عليك أخاف

ودي اجيك من التعب ثم أضمك = وتشوف أنا وشلون عايش بلياك
قربك عطر ودي من البعد أشمك = أخاف يبرد مابقى لي بذكراك
أبنثرك في عروق قلبي ولمك = وأحسسك بالحب في يوم لقياك
باقي معي أغلى هديه تهمك = صورتك كاتب فوقها مقدر أنساك
متى يزين الوقت وأكون يمك = اقلها اعرف ظروفك ودنياك
ياليتني في أنفاس روحك ودمك = أبقى معك وأعيش الأيام وياك
ياكثر ماني بغربتي شلت همك =انشد نجوم الليل من عقب فرقاك
عليك أخاف أكثر من أبوك وأمك = والله ماتلقى مثل قلبي أغلاك
مارتاح أنا من الوله لين أضمك = وأعلمك وشلون حالي بلياك

باقي معي أغلى هديـه تهمـك=صورتك كاتب فوقها مقدر أنساك

بيت عن عشرين قصيده

وقصيده عن معلقه صح لسااانك لين ترضاا

وتقديري

عبدالناصر العالي

ألق وشاعريه مستديمه

في عناوين شاعر جزل ورائع

له في الشعر بلاغة

وبوح يرتقي بالذائقة للسمو

ياليتني في أنفاس روحك ودمك = أبقى معك وأعيش الأيام ويـاك

صح كلك عبدالناصر وجعل السعد مايملك

ودام هالشموخ بكل خير وموده

ياخوك الله يرحم والدينك
جزاله من جزل
وتوصيف لحاله معاصره
غزل وشوق وحنيين
وبلاغه لايعلى عليها
الله يحقق مرادك يالذيب
وصح الله الساااانك
ولاهنت
تحيااااتي

الاخ عبد الناصر
صح لسانك وتسلم يداك
وبيض الله وجهك
تحياتي لك
خيك
خالد ابن هجيره

كلمات رائعة

ومعاني جميلة

وتنسيق راقي

سلمت يداك

ودمت متألقة

باقي معي أغلى هديـه تهمـك

صورتك كاتب فوقها مقدر أنساك

الله الله صح لساانك ياعبد الناصر وبيض الله وجهك

ودي واحتراماتي

مارتاح أنا من الوله لين أضمك

وأعلمك وشلون حالـي بليـاك

....الله الله الله..قصيده جدا رقييييييييييييييييييييقه..!

تعانق أبياتها وأنت تقرأ حروفها....!

لاشلت يمينك ...ودمت شاعرا ألقا...
ودام وهجك الرقيق...