يافهـد والخاطـر اللـي ضـاق مـن شي(ن)حصلـه=اسـتــوت عـنــده مـواريــد الــدهــر والا صــــدوره
مثـل الاعمـى شوفنـي قـام يتخبـط فـي محـلـه=لا صـديـق(ن)تـسـتـدل بــرايــتــه والا بـــشـــوره
كــان سجـلـت الشـريـط بخـاطـري نـويـت افـلــه=الشريط اللي حفظته من زمن(ن)صوت(ن)وصوره
يــوم ضحكتـهـا خـذتـنـي قـامــت لقـلـبـي تـتـلـه=ابتـدا عـنـدي شـريـط العـشـق يـاخـذ فــيْ دوره
اثــرنــي عـطـشــان وادور لـحـلـقـي وش يـبـلــه=مالقيـت الا السـراب الـلـي تـكـون فــي حـظـوره
قـلـت ابرويـبـه ضـمـاي وبعشـقـه يمـكـن لـعـلـه=يـقــدر يـبــدد ظــلام(ن)داخــل بـقـلـبـي بــنــوره
وصــرت منديل(ن)لدمـعـة عينـهـا لاجـــت تـهـلـه=وحسستنـي فـي نفسهـا ريـح باريـس وعطـوره
قـالـت ابـغــا نـــص قلبـك..قـلـت لايـفــداك كـلــه=وصـرت ادور لخطـاهـا عــذر لــو مـاهـي مـعـذوره
اثـرهــا لغـز(ن)تـكـون داخـلــي يـاصـعــب حــلــه=شفتهـا وقــت الـرخـا ولاشفتـهـا وقــت الـضـروره
لعـنـبـو عشـق(ن)يـعـزه صـاحـبـه بـالـلـي تـذلــه=ماكفى ظلم الزمن..قامت معـه فـي صـف جـوره
لايمي في الحب يبلى..وان ضحك مـن زود غلـه=مـاشـرهــت وشـرهـتــي والله مـاتـقــدر تــــزوره
يافهـد هــذي سـوالـف خـاطـري والـلـي حصـلـه=استـوى عـنـدي بـهـا شــوك الـزمـن والا زهــوره