السلام عليكم ورحمة الله وبركاته
أعتذر عن الغياب الذي طال بسبب مشاغل الدنيا وأضع بين يديكم هذه القصيدة التي أتمنى أن تشفع لي ولغيابي وأتمنى أن تنال رضاكم

آخر قصيده ترسل لسيد الاحباب = كلمات حب ٍ صادق ٍ محتواها
طاريك هزّ القلب والشوق جذّاب = وارحم محب ٍ لهفته ماقواها
حسيت بانك غير عن كل الاصحاب = وحسيت نفسك عالي ٍ مستواها
اوّل قصيده قلت الاعجاب غلاّب = شدتني وصوفك وزاهي حلاها
وبديت قاف ٍ ماحسبنا له حساب = وعلّقت نفسي من خلاها بخلاها
وحاولت من نفسي تفادي ذا الاسباب = وابعدت لكنه جذبني هواها
واليوم انا لمبادل الحب طلاّب = وكل العواطف تتبعك من عناها
صوت المشاعر والعواطف معك ذاب = همساااات حب ٍ وافهم اللي وراها
ماقلت شعري لاجل تقراه باعجاب = وتمدح اسلوب الشاعر اللي بداها
ودّي تشاركني ولو ربع الاتعاب = وتأمل الدمعه ليا سال ماها
أنا غريق الدمع واتعبت الاهداب = من ينقذ عيوني وينهي بكاها
صرخت باعلى الصوت يابنت الاجناب = غريب واللوعه تعدت مداها
وحارت بي الخطوه على كل الابواب = سكّه حزينه واسأل اللي مشاها
أغراب كيف الوقت يصفي للاغراب = واعرف ترى روحي معك منتهاها
اهديت لك قلب ٍ صدوق ٍ ومنصاب = واقبل بيوتي يوم نورك زهاها

أنـــا غـريــق الـدمــع واتـعـبـت الاهــــداب=مـــــن يـنــقــذ عـيــونــي ويـنــهــي بـكــاهــا
صرخت باعلى الصوت يابنت الاجناب=غـــريــــب والــلـــوعـــه تــــعــــدت مــــداهــــا