آخر 10 مشاركات
|
|
|||||||
| نصوص شعريه وخواطر من ذائقتكم .. مرسى ملفات الـقصائد والخواطر المنقوله .. |
 |
| انشر الموضوع |
|
|
أدوات الموضوع | انواع عرض الموضوع |
22-02-2010, 11:13 PM
|
#1 | |
 
|
شعراء ولكن (1) ..؟
وقفة .. كثير من الشعراء كانت لي معهم محاولات شتى لأن ينظموا الى رواسي لأمرين .. الأول للأستفادة من عمق شاعريهم وقدرتهم على النظم المتفرد وسرعة البديه وتقديم الرسالة بشكل جميل ومغيب .. والأمر الثاني ... خدمة رواسي بحيث تظم نوعية مميزة من الأدباء والشعراء .. مع العلم أنهم وعدونا خيرآ رغم مشاغلهم وهواياتهم التي أخذت أوقات فراغهم مثل .. القنص .. والرحلات البرة وما الى ذالك . اليوم نقدم لكم أحد هؤلاء الشعراء من خلال قصائده . الشاعر ..د\عبدالله الثمالي ..( النادر ) دربكه
ياهجوس الشاعر اللي جابها الحبل المتين=حبل من صافي المعاني مابناها فبركه اشعل سراج القوافي واوقظ اللي نايمين=يوم حط النجم بعيونه وطاول وادركه الشعر مكنون صدر وكنز من عرف وثمين=ومن تساهل في بناه فذمتي ذاك اهلكه ياهل الميقاف خلوكم معانا واقفين=ماقف الرجال لن ماصان عود مبركه من بغى يبني يجود لايجي فالبني لين=الحصون ان لان مبناها تعود مهلكه والرجل لاسل سيفه لايسل الا السنين=ماورى سل السيوف الاغبار المعركه من لطم عين المراجل جاه منها لطم عين=ومن نوى فرك الخشوم يصير خشمه مفركه الزمان اللي معلمني وانا قلبي فطين=اقدر اشوف المباني وانتبه لأي حركه دربكه يلعب معانا فالجناح اللي يمين=والعرب دايم تدور وين يلعب دربكه جابها طاري الهجوس وحبلها حبل متين=حبل من صافي المعاني ما بناها فبركه تراتيل موظفة
مثل العصافير قبل النور مسراحي =احلامي العيش مدري العش وافراخه اطير من عشي الآمن ومفتاحي =إسم الإله ودروب الرزق دواخه اطير ..لكن دروبي ترفض جناحي =محابل الهم ترقبني بشداخه واعود تو المسا من مرقده صاحي =حناجر اللوم يمي دوم وباخه اطوي على الليل ثوبي ..اغسل جراحي =وابلع من الضيم غصة موس سلاخه واقووول يامركبي لاتصدم رياحي =بكره ركاب المنى بالساح نواخه ورى المحاني فحيح لمنجلٍ فاحِ =نسايم الصبر تحت الجمر نفاخه احاول ازرع بذور الحلم بفياحي =وبذور حلمي سقتها يدين شلاخه احاول اقاوم التعتيم بأقاحي =مادام يم السما لي نفس كفاخه أمانة الحرف
امانة يالحروف اللي تزاحم ضجة الافكار =تخليني ليا غنيت اغني جرحنا الدامي وامانة يالشعور اللي تحطم فالفؤاد وحار =تحرك من على صدري ترى لك ميسم حامي تربينا على نفخ الثقة في قربة الاعذار =ونفخنا قربة الاعذار ولكن البلا طامي سنين احنا نقول ان السياسة سيفها بتار =واشوف ان السياسة ماتورد جمها ضامي ذبحنا عند باب الصبر من ابنانا يجي مليار =وقرابين الصبر ما قدمت لاجيالنا حامي تعالوا شوفو جروح الكرامة في جبين العار =تعالوا شوفو ايدين المناصر تخنق انسامي فغزه كل شيئ فالوجود من البشاعة صار =طعون المسلم المغبون تنقل عبر الاعلامي ولازلنا نقول ان البلا ماطاوعوا السمسار =مثل ماطاعوا الجيران واكلوا المشمش الشامي متى يا امة الاسلام ينبت في ثرانا احرار =تهب لنصرة المظلوم وترفع بيرق اسلامي اذا كان السياسة عاجزة عن رد كيد وثار =فخلوا باب غزة من رفح مفتوح لاوهامي ترنيمة حب\ لو دار الزمن
لو الزمان يعود بي خلف وخلاف =واقرا كفوف القادمات المقابيل ماخترت غيرك يابيض القلب ميلاف =حتى ولو صكت علي البهاذيل ياخوط ريحان ٍ على جال مهياف =لاينقطف وان هبه الغربي يميل اودعتني سجن ٍ بلا قيد وكتاف =اجر من فرقاك ليلي مواويل سجن الغلا والحال من عقبك انصاف =غديت مثل مقرقعات الفناجيل العظم يصفق عظم والدمع مذراف =ودموع عيني ماحتواتها المناديل غدا لنبت الهجر منها تغرياف =نبت ٍ بلا زهرٍ قليل المحاصيل واودعت روحي دو خالي ومتلاف =وادوت من الفرقا كما ادواي برميل حذف بها من عالي الشعف حذاف =في صدع ماتلحق مداه الدرابيل ماغير رجع الصوت لا ناش الاطراف =ونين مثلي لاذكر نافل الجيل عليك يالي تعجز لحسنك اوصاف =ياعين ريمٍ مارعى بالمداهيل وعليك يالي فوق حسنك تلطاف =في خف روح وزين طبع وتعاليل والله لو ان الزمن يرجع خلاف =ماخترت غيرك لو سقيت البهاذيل قصيدة مسنده \ للشاعر عيضه بن مساعد .. من جماعته راعي أباعر ومزاين هذا الصوت وان شاء الله نلاقي لكم الصدى فيما بعد
ياليل مالي فيك ياليل عاده =اساهر نجومك واحسب عددها ماني من اللي كل ماجاه كاده =من الهموم اللي يتناثر بددها همٍ يحول وهم يرقى شداده =وهم ٍيسابق هم وآخر بعدها ولاني من اللي عجز يقدح زناده =الين نار الفكر همه هجدها من صغرتي وانا مقلد قلاده =جنية الحكمه عطتني ولدها آرد على صافي عدود الرياده =وقليل قبل اللي استطاع ووردها وقم يانديبي دامه الصبح عاده =ماشقق ستار الظلام وبجدها جهز رحولك واخذ معك الافاده =مثايل ٍ من ساقها مازهدها حشمه لمنهو طيب الذكر زاده =فعايله مايوم ٍ احد ٍ نقدها ابوفهد عيضه مساعد قناده =طيب العلوم اللي خصيمه شهدها كل ابلج ٍ في ذمته له شهاده =بالطيب يذكر وغاوي اللي جحدها جهز رحولك يازبون السعاده =حمرا تفاهق كورها عن جسدها فج النحر فيها وسوم الجلاده =تطوي مهاميه الفيافي بيدها جل العضود خفوفها كالوساده =لادرهمت كنك على ماء تمدها واليا وصلت فخل عنك الرباده =لاتاخذك راحه ترى النفس شدها قله ترى الصمان خضر ٍٍ عواده =ومن لا يدور حاجته ماوجدها عسه بخيصٍ قبل مده وراده =وجاب العلوم اللي وكادٍ سندها وان كان راع البل يبغى مراده =يسوقها لاعاد يخشى جهدها يسوقها عن رعي شوك الكداده =ويرعا بها قاع ٍ قليل حسدها وعجل وعطني معك رد وافاده =ورايه تراني خابره دايم ادهى وإن شاء الله نزيدكم في حلقات ثانية من قصائد الشاعر المذكور أتمنى أن الموضوع عجبكم حتى نستمر في تقديم عطاأت بعض الشعراء فالأمر يستند على تقبلكم وردودكم أخوكم |
|
نبض الحب أنتِ .. بل الحب أنتِ و لأنك امرأة ليس كأي امرأة ..أحبكِ كما لم أحب أعشق ظلَّ ظلُّكِ .. بل أعشق عطرك إذا مرَّ طيفك كم يحتل طيفك المساحات .. لأنكِ امرأة مستحيلة بين النساء أُعَلِّقُ ناظرَي إلى السماء ..لأُمَني الروحَ عِطرَ اللقاء مثلُكِ يا حبيبتى لم تنجب النساء .. مثُلك ابدآ لن يكون يانهر الرقةِ .. يابحر الجنُون عشقتُ فيك صخَبِك .. وأدمنتُ فيك السكون مثًلك ابدآ لن يكون يا سائرة على دربي .. يا ساكنة فى العيون اهدي إليك عمرَ عمريِ .. وعمري براحتيكِ يهون فمثلك ابدآ لن يكون 
|
|
22-02-2010, 11:29 PM
|
#2 | ||
|
|
||
|
|
|
22-02-2010, 11:36 PM
|
#3 | |
|
موضوع جميل اخوي فواز اننا نتعرف على الشعراء وقصايدهم مجهود تشكر عليه
وياليت تفرد لكل شاعر موضوع خاص وتنزل افضل قصايد له والجديد اللي عنده لو ممكن تقبل مروري ولك خالص احترامي |
|
|
|
23-02-2010, 08:55 AM
|
#4 | |
|
•(-•شاعر•-)•
|
عز الله أنك راع المواجيب
وشعار لهم وزنهم فالشعر وانت كفو وننتظر المزيد يالأمير تحيتي |
|
|
ابك برد الصحاري شفت فيه الدفى=وشفت بيت السعـادة شوف عيني يـزول والمحبة خذتنـي جـعـلـهـا للخـفـى=ومن يـصـدق كـلامـي جـعـل عـمـره يـطـول -- الــــــــــوداعــــــــــ --
|
|
15-03-2010, 07:51 AM
|
#5 | |
|
اليوم عقب صلاة الفجر
وانا راجع من المسجد لقيت سيارة شاعرنا ( النادر ) مفتوح قزازها ولقيت على طبلونها أوراق وخميتهااا وجيتكم بها ..! ياليت وآخذ برقعه.... ________________________________________ اطلاله اخرى احبتي بذائقة النادر وفنجان طيب نقدمه .....
ياحي شوف النادر الي لاتهيا مفرعه=يسر ناظر من يشوف ويبري حسافات الكبود لاجا نهار ٍ للهدد يازين والله منزعه=لاتل سبقه وانتهض ثم قام يرقى في صعود حاديه صقاره وهو له كبد دوم مولعه=يشفي على الصيد البعيد الياانذكر برق ورعود عذروبه انه مايجي صيدته وهي موقعه=ما يرغب الا العاصيه الي تسمى بالشرود هذاك عندي والخوى والسيف والي يتبعه=ثلاثة ٍ مالي غنى عنهم ولا لي بشي زود الا العلوم الغانمه والمرجله والمرفعه=ازيد في حبال الخوي وصله ولا احب الركود الله خلقني للكرم ذخر لرفيقي وانفعه=كذه على الطالات ربوني هلي وارقى سنود والا الطمان والي طمن بكسيه مني قبعه=خله يعيش بجفرته هذيك اثله..وذاك عود والامعه مايتبعه في ذا الزمن كود امعه=صاحي مع الصاحين والراقد مع الناس الرقود اذا مشى يمشي معه واذا جلس يجلس معه=والعاقل الي يعرف الي من تحت بيض الجلود يقوله الي منوته نادر وياخذ برقعه=في مجلس ٍ مابه ردي ولا من اصحاب الحقود مطراش قبله ________________________________________ لوعد وعدته احدهم ان اعود طالما ان الامور تحسنت هنا ها انا احقق له ولابن سلمان وعدي بالعوده ....آمل ان استطيع الاستمرار
على ماتبي ياصاحبي والوعد قبله=ليامن فهقنا القار عقب الدوام عصير على خايع ٍ جاني خبر ماطره وبله=على الفاره الي لانهمته يحث السير جديد ٍ شريته يوم بعض العرب خبله =تدور على الي سايقه عرضه تكسير شريته اطري خاطري واتبع الربله=ولاني من اهل الذود يوم اكثر التدوير ولاني من الي كل همّه شباع ابله=ولو كان ماهي عيب تبع الحيا والخير ولابي غلا شما ولابي هوى عبله=ولو ان في قلبي من العام جمر الكير غرامي اثر طرقا تخلي الحشا تبله=ليا شفت جرتها تغشاني التغيير اقدم واوخر كن جوف الحشا نبله=رماني بها الرامي وهو همّه التعزير واوقف واعشق وانتل القير وانشب له=تقول ان مابيني وبينه جرى تقدير وافرع عن الي دايم الدوم زاهب له=لياجات في عينه يبشر بها تبشير ينشر جناحه كنه يقوم يلعب له=يقول السما... لابارك الله ف..حز السير ويلعب معاها لعبة الجيش والسبله=يخلي غلبها يكسي القاع في تبذير هذا الي يخليني اهوجس على القبله=ليامن فهقت القار عقب الدوام عصير الفشخره.... ________________________________________ من قلب وفكر شاعر لما يدور الحديث حوله في بعض الاوساط حول سبب ضياع الجيل وانحلاله الاخلاقي كان لي هذه المتواضعه من باب الادلاء بدلوي...
يقلون سمّ العقربه في ذنبها=والداب سمه تحت الانياب مدسوس الله خلق لي عقل يدرك نشبها=والله عطاني من عطاياه بحسوس اعرف اميز فاللحا مع شنبها=واعرف نظيف الحب والي به السوس بعض الرجال ان مانعها نسبها=لاشك في عرقه من الخبث لاموس وبعض الرجال ان ميلت ماصلبها=ولا له على الطالات عزمٍ وناموس والمرجله ماكل رجل ٍ كسبها=ولاحدٍ لقاها في كراريس ودروس وولد الحمايل لاطلبها ..طلبها=تاتيه عزمه كنها رمي نادوس والبنت لامن ضاع منها ادبها=تلقى لها بين الحثالات دنفوس يلعب معاها لعبة الحب سبها=وتصحى من اللعبه على عرض مدنوس رقى بها فوق السحاب وغلبها=سيارة ٍ كشخه وجوال وفلوس وبنت الحمايل دايم الدوم نبها=لاعضها جرذي ولاقرص ناموس بنت ٍ عريبه ماتخيب عربها=الطهر والعفه لهادوم ملبوس تلقى لها كفو ٍ يحقق اربها=يشقى عليها لو معاشه من الفوس وتعيش حره عرضها ماثلبها=في عزة ٍ تحيا مع شمخ الروس ويقلون سم العقربه في ذنبها=والداب سمه تحت الانياب مدسوس قصة ضياع الجيل هذا سببها=سيارة ٍ كشخه وجوال وفلوس يقوله النادر وبيده كتبها=الفشخره ماتبني عقول ونفوس عزالله انك صادق وبيض الله وجه شاعرنا |
|
|
|
|
15-03-2010, 11:00 AM
|
#6 | |
|
شــــــاعر
ـوْضُـُوْحِـِيْ غَـَآأمضْ
|
:
مآشآء آلله عليه تبآرك آلله .. عز آلله إنه شآعر وآفي وجزززل بكل مآتعنيه آلكلمه .. لو الزمان يعود بي خلف وخلاف=واقرا كفوف القادمات المقابيل ماخترت غيرك يابيض القلب ميلاف=حتى ولو صكت علي البهاذيل ياخوط ريحان ٍ على جال مهياف=لاينقطف وان هبه الغربي يميل لكن بغيت آسأل .. وش معنى كلمة خوط .. هل هو يقصد عود .. وآلآ غيرهـ .. فوآز بيض آلله وجهك على آلفكرهـ .. ومنتظرين آلجديد . |
|
|
|
|
15-03-2010, 05:04 PM
|
#7 | |
|
وجهك ابيض يالصيرمي ولا هنت وشاعرنا يستحق الإنصااف منا حتى في غيابه
وسلمت ولا هنت سؤالك أخي الفاضل كلمة خوط أجدها رمزيه للجمال يمتهنها كثير من الشعراء وتعنى معنى دقيق لأمر ذهب اليه الشاعر ... رغم البحث المضني في عم قوقل الا أنه لم ينصفني ولكني وجد أن أبو تمام الشاعر الفحل إمتهنها أيضآ .. وأتيتك بمطلع قصيدته .. واملي منك العذر في تقصيري
أجْفَانُ خُوطِ البانة ِ الأُملودِ =مشغولة ٌ بكَ عن وصالِ هجودِ سَكبتْ ذخيرة َ دمعة ٍ مُصْفرَّة ٍ =في وجنة ٍ محمرة ِ التوريدِ فكأنَّ وهيَ نظامها نظمٌ وهي= منْ يارقٍ وقلائدٍ وعقودِ أذكتْ حميا وجدها حمة َ الأسى= فغَدَتْ ْبِنَارٍ غَيْرِ ذَاتِ خُمُودِ طلعتْ طلوعَ الشمسِ في طرف النوى= والشمسُ طالعة ٌ بطرفِ حسودِ وسلم راسك |
|
|
|
|
«
الموضوع السابق
|
الموضوع التالي
»
العرض العادي
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| عالم الأموات ..((من اجمل ماقرأت)) | كبرياء روح | رواســي الـقصص والـروايات | 2 | 18-11-2011 06:06 AM |
| كوب قهوه ولكن في فلسفات | راقي باخلاقي | رواسي المواضيع العامه | 18 | 08-10-2010 01:14 PM |
| رباعية سعوديه ولكن وديه قويه | السيــ عمهوج ـف | رواسـي الـرياضيه | 2 | 05-06-2009 07:39 PM |