النفس شامـت لا تحـرى رجوعـي=وشلي بحـبٍ كلـه آهـات وجـروح
اشوف نجعك يوم خالـف انجوعـي=مالي على طـرد المقفيـن مصلـوح
بصبر ولو نومي على راس كوعـي=وسامر نجوم السماء لمطلع الضـوح
يامـا علشانـك تهامـل دمـوعـي=ويما تحريت ارقبـك وزعـج النـوح
شفها العيون اللي تخيلـك جزوعـي=وشغيرها دمعي على الخـد مسفـوح
ودوك الضلوع العوج من كثر جوعي=تشكي مع قلبٍ من الهجـر مذبـوح
لفـراق يالمجمـول شـيٍ يروعـي=لاشك مالـي غيـر ماكتـب باللـوح
في بادي ايامي سكنـت الضلوعـي=وشيدت لك مبنى على عالي الصـوح
لكـن خسـاره ضيعتنـي ارموعـي=وشفت الغلا من نايف الصرح مطروح
أنـا مـع مثلـك بطفـي شموعـي=وعزمت برحـل عنـك والله لا روح
برحل ولاني فـي غلاكـم طموعـي=وحبك بقلبي صار عقـده وسامـوح
بتموت ماضنيـت بعلـن خضوعـي=حتى ولو حبك سكن داخـل الـروح
عفت الغـرام ولا تحـرى طلوعي=مثلك حرام يعيش مع صادق البـوح