بسم الله الر حمن الرحيم
السلام عليكم ورحمة الله وبركاته
يسعدني تقديم هالأبيات المتواضعه وأتمنى تنال أعجابكم

البارحه ياسعود لا هنت وين أنت=البارحه قضّيت ليلي لحالي

ونيسي الفنجال والقاف والكنت=وماصار في هالليل شياً خيالي

ماتصدقه ياسعود ياسعود لوكنت=حاضر معي بتقول هذامحالي

تذكر زماناً فيه ياسعود أعلنت=أن الغزل ماله مكان ومجالي

البارحه فتحت قلبي وبيّنت=ماكنت انا مخفيه طول اليالي

في صاحبي بأبيات شعري تفننت=وأنته تعرف الحال لاراق بالي

أسهل الصعبات ياما تمكنت=أرجح الميزان والمر حالي

وفالنهايه يوم وفيت عاينت=يمين ثم يسار للدار خالي

أنا أحمد الله يوم عاهدت ماخنت=ثابت على عهدي سوات الجبالي

برهنت أنا بالقول والفعل برهنت=ثابت ولوالوقت بالناس مالي

ضافي علي الثوب بالمتر والسنت=ولو كل شياً راح عزي بقالي