آخر 10 مشاركات |
|
تاج القصيد .. خاص بنزف شعراء رواسي نجد. بالأسم الصريح .. |
انشر الموضوع |
|
أدوات الموضوع | انواع عرض الموضوع |
26-08-2009, 03:21 PM | #1 |
|
كآنك تحسب إن الهوىآ لعبة أطفآل !!
يا اللي بلوغك حلم وأيامي هزال=بالله وش عذر المطر في هطوله
أسقيتني نبع المواصيل همال=وأنا ضميري ماتمنى ميوله فيني على اللهفه مواعيد وآمال=عيني تراعي للعيون الخجوله اللي تسامرني من الحال للحال=وأنا عليها والمدامع عجوله صبري يفيض ولي مع الصبر موال=ما أستلطفه من ضيق ولا سهوله مبني على جرحي وأنا أخدم له اجيال=أرسي علي ميناه وأكرمت دوله يابختري عذري ويشموم الأفعال=الله عطاك الزين وأغلى أصوله تستوري من الحسن غابات وأهوال=من شاف عينك راح يشعب ذلوله الله عليك من التسامي إليا طال=مجدول شعرك والذنوب مغسوله وأنا عذابي فوق هامات وأطلال=من مابغاني ود ماني بحوله صدري يشوش ولي على الهم تمثال=منه أستمد أوضاع وقتي وأنوله شاعر ولو تضرب بي أمثال وأمثال=ساس الكرامه والظفر والرجوله اليا تحدر صافي الشعر ثم سال=وأردم على شمل الخفوق بسيوله أنا تراي الشعر وبيوتي جزال=من عادني في وسط عرش الطفوله أنحت بيوت الشعر من صم وجبال=وأبرهن إحساسي واميز حلوله واللي لفآني يطلب الشوق يختال=ليته نشد عن شعري اللي يقوله ثم شاف ما فالعمر من كثر الأعمال=طيب الغرام بجاه عرضه وطوله وأنساب شوقه فالحنايا مع البال=ثم سامر الخاطر بترحيب زوله هذاك يكفيه الغلا بكل الأحوال=إنه حفيد الحب وإنه رسوله غريب بأوصافه إليا مر يحتال=يشبه طلوعه بالمشاعر نزوله فريد جنس ولا أنخلق مثله أشكال=ولذة كلامه من شفاه معسوله إليا حكى مثل النفل كل مامال=طاغي ملامح با الشكل والمقوله شمسه براد وريح نسماته إظلال=وروحه دلال بكل محفل وجوله أعذب من القرطوع في لاهب اللال=وألطف بشر بالخلق لامن حكوله كل ماكتبته من قصيدي والأقوال=عله فدى لأم العيون الخجوله اللي تراقبني معا كل الأحوال=تستاهل التقدير عرضه وطوله كانك تحسب إن الهوى لعبة أطفآل=فإعرف ترا عديت سن الطفوله والحب عندي يعتمد قول وأفعآل=غآيص وضارب كل عرضه وطوله رجّال وكلّي بالتفاصيل .. رجــّال=وياما على العليا خذيت البطوله |
|
26-08-2009, 07:23 PM | #2 |
|
ياسلام ياسلام
1 , 1 , 1 والله الواحد , وحجز فاخر للفاخر |
يزفك الليل واحلامي تغني لك =تعال ياطيف عشقٍ عشت مجنونه
بحلمك وأقبلك وأسمع تعاليلك = وأذوق منك الغلا وأعزف لك فنونه |
28-08-2009, 07:14 PM | #4 |
|
شمسه براد وريح نسماته إظلال = وروحه دلال بكل محفل وجوله أعذب من القرطوع في لاهب اللال = وألطف بشر بالخلق لامن حكوله كل ماكتبته من قصيدي والأقوال = عله فدى لأم العيون الخجوله اللي تراقبني معا كل الأحوال = تستاهل التقدير عرضه وطوله كانك تحسب إن الهوى لعبة أطفآل = فإعرف ترا عديت سن الطفوله الله الله بلاغة في الوصف ولغة شعر تخاطب وتتغزل وتعاتب رائع حينما تكون ورائع حرفك أينما يكون صح كلك يابدر وجعل السعد مايملك ودام هالوجود بكل خير وموده |
|
28-08-2009, 08:20 PM | #5 |
|
بدر آل شآفي !
صحت يمِينك يآ عاطِر ودمتَ بِهَذَا الشِعرِ العذبـ رآئِع كـ عآدتِك.. لك الإمتِنانُ وجوريه اضعهآ بمتصفحِك .! |
|
|
|