آخر 10 مشاركات |
|
تاج القصيد .. خاص بنزف شعراء رواسي نجد. بالأسم الصريح .. |
انشر الموضوع |
|
أدوات الموضوع | انواع عرض الموضوع |
27-02-2021, 01:48 AM | #1 |
|
تحية الروح
السلام عليكم وأسعد الله أوقاتكم
تجديدا مع تاج القصيد ألقي عليكم تحية اللقاء المتجدد عسى أن تبلغ ذائقتكم ،، ^-^
تحية شذاها فايح الروح والريحان = وعنبر وكمبودي وذعذاع دخانه وبنٍ على المحماس والهيل بالرسلان = وبهجة مرحّب شبّ ضوه لضيفانه وعودة محبٍ بعدما فارق الخلان = وشوفة حبيبٍ هيّض الدمع بأعيانه وبرقٍ شعى صدر المخيلة ونوره بان = ورعدٍ دوى صوته وسالت له أمزانه وهاجس تهيّض وأنتخى فزعة القيفان = وجادت ينابيع القوافي لقيفانه وعلق سواليف القصايد بغصن البان = وغنت له الورقا ودنت له الحانه وعرّج على ماضي طوى صفحته نسيان = وعادت له الذكرى مع سابق أزمانه سلاطين حبٍ من عشقهم غدى سلطان = لو البُعد شتتهم جمعها بوجدانه ليا سطروا بالحرف كلمة تهز الجان = تسخّر جنان القلب للحب واشجانه حروفٍ تلألئ كنها اللول والمرجان = تلوّح .. وهام الشعر لأجله بوديانه وأنا جيت وأعاتب هجوسي وأنا زعلان = وأداري غياباً عرّض القلب لأحزانه واجدد حضوري بالتحايا على الإخوان = سلامٍ عليكم هيل من نفس ولهانه ^-^ ودمتم سالمين |
|
27-02-2021, 10:49 AM | #2 |
|
صح السانك وانت سالم وبيض الله وجهك على مانثرت من جمال ابيات ترد الروح شاعرنا بناء وتدرج جميل وصور لها وقع رائع على المتلقي اسعدني المرور من خلال متصفحك كن بالجور وأروي الذائقة من خلال ابداعك دمت بخير
|
لاصرت في صحتك والحال مستور = يغنيك عن بعض الرفاقه رفاقه منتب على طرد المقفين مجبور = أما الوصل وإلا بلاش العلاقه - ديواني الإلكتروني |
27-02-2021, 03:51 PM | #4 |
|
وعليكم السلام ورحمة الله
ووقاتك اسعد واجمل شاعرنا صحح لساااانك مدد ولاهنت على هالجملة العذبة تم التنسيق |
مع احترامي وتقديري لمن هم هنا=ممنون انا واتشكر للزميله رحيل (ابو عبيد )
لو صار عن شكرها بالهجس ضعف ونا=الطيب الطيب اللي مبتدي بالجميل لفعولها الطيبه من قبل سامك بنا=بنت اصل عن ما عليه مربيه ما تميل |
01-03-2021, 01:25 AM | #5 |
|
اقتباس:
^^^
مرحبا أخوي هزاع .. وصح بدنك وعساك سالم وغانم وشكرا لمرورك وجميل إنطباعك وما عليك زود أسعدني حضورك لا عدمتك مع أطيب تحية ،، |
|
01-03-2021, 01:28 AM | #6 |
|
|
|
01-03-2021, 01:31 AM | #7 |
|
|
|
01-03-2021, 07:23 AM | #8 |
|
وعليكم السلام ورحمة الله وبركاته
يسعد أيآمك شآعرناا وصح لسآنك مليووون ويعطيك العآفيه على هالرآئعه |
ورا صفحتك يالجوهره ما بها توقيع
انا يافتة تعليقه اليوم ابا الغيها من الروضه الغنا ابا اقطف زهر ربيع وارصع بها عذبات الابيات واهديها لبنتٍ لها التقدير وافي من الجميع لأدبها الرفيع ودمث الاخلاق نغليها صح لسآنك شآعرنا الهوآوي الله يحفظك ويسعدك |
|
|