آخر 10 مشاركات
|
|
|||||||
 |
| انشر الموضوع |
|
|
أدوات الموضوع | انواع عرض الموضوع |
31-08-2020, 12:39 PM
|
#41 | |
 
|
يا هلا بالصقري يا مرحبا
الله يبارك فيك ويجزاك خير آمين أسعدني تواجدك ومرورك وتعليقك خذ لك بياله .. ما قلت بياله خابر أهل جده يحبون الشاهي (: |
|
|
|
02-09-2020, 02:59 PM
|
#42 | |
|
اقتباس:
المشاركة الأصلية كتبت بواسطة حمد الخالدي
يا هلا برحيل
الله يبارك فيك ويجزاك خير نورتي الديوان اقدعي وخذي لك فنجال :) مالقيت لا حلى ولا قدوع ماحب اشرب القهوة تسذا سادة من اكل التمر عنا ههههههههههه ديوآن جميل ورااااائع صح لسانك على هالابيات الجميلة ، و ما يحتاج اقول ابدعت لانك صدق ابدعت مريت من هنا |
|
مع احترامي وتقديري لمن هم هنا=ممنون انا واتشكر للزميله رحيل (ابو عبيد )
لو صار عن شكرها بالهجس ضعف ونا=الطيب الطيب اللي مبتدي بالجميل لفعولها الطيبه من قبل سامك بنا=بنت اصل عن ما عليه مربيه ما تميل
|
|
02-09-2020, 07:32 PM
|
#43 | |
|
دامها تسذا اجل شوفي صينية الحلا مع جهير
لقطها وراحت تركض للسجن والا الصقري عطيته البياله ما بغاها لقط القدوع وراح للبحر خخخخخ مالنا الا ابو عبيد نشري منه بس يبي يبيع جمله عساه يفرد حياك الله وصح بدنك ولا هنتي يا الأميره |
|
|
|
|
02-09-2020, 10:38 PM
|
#44 | |
|
حالي تردى والسبب نفسي وجزلات الهموم
تجمعت والنفس ما تامر بخير ومنفعه ما أدري ألوم النفس والا الهم والا مين ألوم والا رفيقٍ عافني يوم إن حصل مطمعه يا كثر ما شفنا على وجه البسيطة من جروم بالهرج تتصدر وبالشدات فرت مهطعه واللي ما يحمي كلمته هذاك من روس الرخوم يهرج ولا يحسب حساب الهرج ربي يقلعه عز الله إني يا ولد زيزوم وأملك لي عزوم ما دامني عايش بعد ما راح نصف الأربعه سدي وبيحته وأنا بالأمس صبارٍ كتوم واليوم أنا من علتي أزعق بصوتي وأرفعه إليا ذكرت اللي رحل عيت عيوني لا تنوم تلقى على خدي دموع العين تنزل مسرعه اللي لبس ثوب الوفا والطيب لبسه للهدوم اللي بكته الدار والساقي وكل المزرعه عز الله إنه تفقده كل الحلاحيل القروم ولاهو ترى عيبٍ على الرجال يذرف مدمعه مير البكا ما يرجع اللي راح والعلم معلوم ولوه نفع لأبكي بكا ليما تسيل المجمعة ( أول قصيده ) في جدي من أمي رحمة الله عليه |
|
|
|
|
03-09-2020, 01:04 PM
|
#45 | |
|
يا عيوني خابر إن صدر المعنا يشتكي لك
وخابر إنك تكرمين الضيق باللي فيك كله مير بالهون إن بديتي فالعلاج وفي مسيلك ابعدي عن نظرة الشمات مع دربٍ ندله ما نقول بحزة الكربه سوا يالله دخيلك والحلول اللي تسر القلب نتركها على الله ( كيبورديه لم تكتمل ) |
|
|
|
|
03-09-2020, 03:15 PM
|
#46 | |
  حزب الرعد
|
أبدعت وأمتعت الخآلدي
وصح لسآنك ويعطيك العآفيه والله يرحم جدك واموآت المسلمين والله ما اخذت شي ياما في السجن مظاليم ههه وترا جهير خيال لزقها فيني الله يهديه لا تشوهون اسمي هههههههههه |
|
|
ورا صفحتك يالجوهره ما بها توقيع
انا يافتة تعليقه اليوم ابا الغيها من الروضه الغنا ابا اقطف زهر ربيع وارصع بها عذبات الابيات واهديها لبنتٍ لها التقدير وافي من الجميع لأدبها الرفيع ودمث الاخلاق نغليها صح لسآنك شآعرنا الهوآوي الله يحفظك ويسعدك
|
|
04-09-2020, 02:08 AM
|
#47 | |
|
أفااا...والله ان القصد ادلعك اسم الوالده ذا يا دبه :)
لا هين البقلاوه للحين ناشبة فضروسك خخخخخ صح الله بدنك وعافاك وبارك فيك .. اللهم آمين ويغفر لهم ويتجاوز عنهم |
|
|
|
|
04-09-2020, 04:28 PM
|
#48 | |
|
الجواب اللي بدا ما له سؤال
والسؤال أصعب من أني أسأله دام نشيان الغلا روس الرجال ما يعيش اللي رضى بالمهزله المعزه والكرامه راس مال هيه حذرا من جهلك تقلله السموحه يا تفاصيل الجمال ما هقيت اني بابيع المرجله ما بنا كامل ولله الكمال هاه..جبت العلم..والا تجهله؟ استمع دامك تبي خف الثقال الستار اليوم لازم نسدله دام كل الكون قافيه الزوال ودام قلبك ماق يوم ادلله كم سقيتك من قراحي والزلال وكم شربتك يا رحيق المنحله في ظروفك شفت تحريم الحلال وفي ظروفي كل شي تحلله ما ألومك دام لاقلتي..تعال صابني سحر المشاعر وارسله لين باتت كلمتي فوق الرمال ونسنس السافي عليها و الوله دك في صدري وهشم له الجبال وﻻ تبعت المقفيه والمقبله والله اني ما تركت أية مجال للبشر..صاير سواة المعضله باح سدي لك..وﻻ فيها جدال من بعد ما باح جات المشكله صرت أجي شفقان لغصون الوصال آتغنى..وآتمنى..لو صله تدفن اللي راح من ضيم الليال وتطلق اللي قيدته السلسله بين نور آمال وأحلام وخيال وبين تصريف الظروف المذهله سقت شوقي لك على درب المحال ما بغيت الا فؤادك أوصله عشت افكر في شعورك حال..حال لين صرت أقول ما ﻻ تقبله ابتعدت أعلمك قدري..بدال ما تصرفني على اللي تنقله الوفا طبعك..ولكن الدلال أوهمك بأنك ملكت المعضله! ( أرشيفيات ) |
|
|
|
|
«
الموضوع السابق
|
الموضوع التالي
»
العرض العادي
|
|
