مــن لا يبيني حــشــا مـــاني بتباعه=لـوكــان قطعه مــن القلب وشرايينه
على وصـالـه حشا ما النفس طماعه=ابني مــن الــعــز حـاجـــز بيني وبينه
لا يحسب الــروح مــن فـرقاه مرتاعه=قبله فـقـدت الســمــؤ والطله الزينه
اللي فرق عن جميع الناس بـ اطباعه=لجل الكرامه نـسـيـت الحب واسنينه
ولا زارني طـيـفـه بحلمي ربــع ساعه=من غاب مات الغلا والشوق في حينه
شـرواي تـقـصـر بـنـيـه تـلـوي اذراعه=ولا يقبل بـعـودة اللي طــاح من عينه
رحـيـم بــهــجـومـه وزيـزوم بـ ادفاعه=ودون الكرامه يـسـوق الـروح بـ أيدينه
انا احشم اللي لا حــب إنسان ما باعه=بالـكـون والـنـاس والــبــنــك وملايينه
واشوم عن من يـحـط من الوفا إقناعه=لا غـاب ما اسئل عليه ولا انشده وينه
ما كل من يعزف استأنس على إيقاعه=واللي ما يعجـبني اقفي مـيـر ما اهينه
عيني تــسـوي لـعـقـل الخاين ايشاعه=وقلبي يــحــلل نـــوايـــا اللاش ويدينه
وبـ هـالـزمن مـعـظـم الـعـربان خداعه=تـظـهر لك الـطـيب لكن تخفي الشينه
كن الـبشـر قـسـم بـكـر وقسماً اخزاعه=وافـعـالــهــم غــيــر والـقــول ابراهينه
احــدن تـشـوفـه غـــدى للحب شماعه=يـرضـا بـــذل الــنــفــوس وكـبـر غالينه
واحـدن يـحب الـسـمـؤ ويـروم مطلاعه=مـا طــيــحــه غـدر ومــفــارق مضانينه
مير الـوفـا صـعـب تلقا مـصـدر إشعاعه=تلقا أكــثــر الناس في الـظـلمـه معادينه
لـو تــزرعــه في قـلــيــل الــذمــه ازراعه=مـا فـيـه مـحـصـول لـنـه مـاهـو بـ طينه
وانا احـمـد الله عــنـدي روحـاً اشـجـاعه=قلبي الـيـا مــــن نــــوى للـهـجـره اتعينه
والـخــتــم صـلــو على اللي كـلـنـا اتباعه=شـفـيـعـنـا اللي مـا يــتــجــاهــل منادينه