دبل كبد المطاليق المنافق راعي الوجهين=زبون المصلحة قدم هوى الدنيا على دينه
معه شله على الذمه شهود وحافظين الدين=حفظ ظاهر وباطن يخلف الله يا موازينه
يشوفون الخطا بالعين ولا القلب ماله عين=ضريرٍ ما يشوف النور والدافع شياطينه
ليا من صار رب البيت ضارب دف لا ترجين=يا شيمه من هل الدار الجميل ولا تحرينه
انا ماني كفيل ابهم لهم دينٍ وانا لي دين=محرم ما يكون أخرص مع المنكر وراعينه
نقوش في الصغر فازوا بها شيباننا الغالين=غروس للمبادي والوفا تزهر رياحينه
مذاهبنا سما شامه على خد النقا والزين=وخلف أظهورنا رمح الوشاية خار من حينه
على الدنيا عزاز ولا حشا كلا مع الغاوين=نعم وابشر مع المطلق وراعي النعم شارينه
ولابه كامل الا وجه ربي كلنا من طين=بشر فينا الخطا والستر ثوبٍ دام راجينه