آخر 10 مشاركات |
|
تاج القصيد .. خاص بنزف شعراء رواسي نجد. بالأسم الصريح .. |
انشر الموضوع |
|
أدوات الموضوع | انواع عرض الموضوع |
01-10-2018, 02:44 AM | #1 |
|
عزاه يا يمه برى حالي الضيق
السلام عليكم ورحمة الله وبركاته
اسعدكم الله بكل خير اخواني واخواتي الكرام هذي القصيدة كتبتها قبل كم يوم بعد ان اتصلت الوالده تنشدني عن حالي اتمنى تنال اعجابكم يالغالين عـزاه يا يـمــه بـــرى حـالي الضيق ومحدن سـوا الخلاق يعلم بحالي استر حزوني عــن عيون المخاليق وأضحك وانـا واللي خلقني لحالي أبكي قهر من جرح وسط المعاليق من طعنة اللي داخـل القلب غالي صحيح انا صدري شبيه الصناديق واقـول للــعــذال صــدري شمالي واقـول راضـي بـ القـدر والتوافيق مـن الله الــمـــعــبــود ذو الجلالي لكن حـزنـي لـو رفعـته على طويق خـلاه يــتــســاوى بـحـب الـرمـالي يا يمه اللـي صـابني فوق ما اطيق واليا شكيت لنـبـض قلبي شكى لي أهداب عينه مـن دمـوعـه محاريق ليت الـحـزن ما جـا وليفي وجا لي اللي من أخــلاقـه اشوف المطاليق يتسـابــقــوا لـوصــولــه أول وتالي وانا ادري انـه ما يـبي من المخاليق غيري وفــي باقـي البشـر ما يبالي مير الـبـعـد مثـل السيوف المفاتيق يـجـرح خـفـوقـي كل مـاهـو طرالي ولا غير اســج الرجـل يــم الشواهيق اخـاوي اللـــي فــوق هــام الجـبالي واجــاوبــه لأمـن عـوى والـمـطـافيق تـشـره على دمـعـاً مـن الشوق سالي تـدري وش اللي يحرق القلب تحريق ويـطـيـح لـه راعـي السمؤ والمعالي الحب واللـي بـ الـحـزن ينشف الريق الــــشــــوق للـقـا عشقي ورأس مالي لـو الـولــه رجـــلاً نــخـيــت الـبـراريق تـاخـذ بـ ثــاري بـ الـسـيـوف الصقالي يـ الـغـالـيـه صـــــدري يـمـزقـه تمزيق بعد الـحـبــيــب اللي على القلب والي انــام واحــلـم فــي هـــوا البال وافيق واتـخـايـلـه فـي الـبـيت يـطـلـع قبالي أثـر الـخـيـال يـطـوق الـعـقـل تـطـويق واللـي حـكـم قـلـبـي يـطـوق خـيـالي حـتـى غدى لـي مـحزمـاً في الطواريق ومـر الـبـعـد لـجلـه عـلـى الـروح حالي ما اشوف غـيـره يـوم بـعـض العشاشيق لا ذاق جــمـر الــشـــوق شــد الـرحـالي واقـفـى يــلـفــق فـي عـشـيـره تـلافيق ما ترضـي اللـي فـيـه زيـن الـخـصـالي انا عــشـيـــري مـا يـــخــــون الـمـواثيق والـبـعـد مـو بـ الـكيـف واللـي جـرالـي جــرى لـه وقـلبـه لـسـجـن الـحـزن سيق ومـن الــولــي مـا يــطــلــب الا وصـالي يـمسـي عـيـونـه فـي دمـوعـه مـغـاريق ســاهـر لـــعـــل تــشــوف عـيـنـه هـلالي والــحــلـــم يـا يـمــاه يــحـتـاج تـحـقـيق لـكـن عـسـا اللــي فــوق الأطـبـاق عـالي اللــي عــلـى صــــدق الـمـحـبـه مخاليق يــجـمـع شمـلـهـم بـعــد ســــــود الليالي وتبرى الـقـلـوب اللـــي بـ دمـاهـا مغاريق فـــي جــنــة الـوصــل الـعـظـيـم المثالي الشاعر بشير العتيبي |
|
01-10-2018, 11:06 AM | #3 |
|
عليكم السلام ورحمة الله
|| صح لسانك مليون يالجزل على هذه الفاخرة الجزلة منك والله أسأل أن يبعد عنك كل ضيق وحزن تقييمي + الختــــم |
التعديل الأخير تم بواسطة شيخـــة الغــيــد ; 01-10-2018 الساعة 11:09 AM
|
01-10-2018, 12:31 PM | #4 |
|
الله الله
بشير العتيبي صح لسانك واعتلا شانك شاعرنا جزل ومبدع الله لايظرك مروري وتقديري ولك اجمل تحيه |
|
01-10-2018, 01:07 PM | #5 |
|
صح لسانك ودام إبداعك
|
كنت اشوفك زهرةٍ عبقه يفوح
لين ماذبلت مع أول شهر . . غصنك الذاوي هلك مافيه روح مايصير اخظر ولو يشرب نهر |
02-10-2018, 05:05 PM | #6 |
http://s02.arab.sh/i/00062/irjk1h63w93v.gif
|
صح لسانك وبيض الله وجهك على اتحافك الجزل
لاعدمنا ابداعك شاعرنا تحياتي |
____________
|
03-10-2018, 01:47 AM | #7 |
|
الله الله
ياسلام عليك وصح الله لسانك شاعرنا كايفه ونايفه وجزله كما تعودنا من سموك الابداع والامتاع وفخامة الحضور دمت ودام مداد قلمك ورقي حرفك الشامخ تقديري وتقييمي لسموك النجلاء |
مصممتنا المبدعه والمتألقه رحيل الف شكر لك ع التصميم الرائع |
03-10-2018, 11:11 AM | #8 |
|
يعطيك العافية ولا هنت شاعرنا
|
فِــيَ صَــمَــتــيَ كْــلآم ْ.. مَــآ يـَـفــهَــمَــهَ كِــلْ إنــسَــآنْ وفـِـيَ شِــمَــوَخِــيَ مَــهَــآبــَه تِــعَــدَت كِــلْ الأوَطَــآنْ !! |
|
|