في مبتدى يـوم كـل الشـعب هلابه=يومـاً نـعـانـق سما الافـراح بوصوله

وسـحـاب الافـراح بـ الافـراح سـكـابه=يسقي الوطن والشعب والجيش بـ اسيوله

في شهر سبتمبر اللي تمطر اسحابه=افـراحـنـا للـبـشـر في الشعر منقوله

يوم ان تـوحــد وطنا وامست اذيابه=من دون حده تضد الخصم وتحوله

مـافـيـه شـاعــر غــيــور الا وغـنـابه=والشعب من طيب منطوقه يغنو له

فـي كـل عاماً جـزيـل الشعر نبدابه=مدح الوطن والملك والشعب والدوله

يا هاجسي شـاعــرك وافي ومن لابه=اسـيـوفـهــم دون حـد الدار مسلوله

يا دارنـا اللــــي نـفـاخـر به ونزهابه=عـدوك اليا وقفـنا طــاح مـن طـوله

انا اشهد ان الـوطــن غالـي وحنا به=نفخر ونختـار جــزل الـشـعـر ونقوله

ونرخص له الروح ونوقف على ابوابه=واعداه ترجع علـى الاكتاف محموله

با امـر الله وحــاكــمٍ محدن له مجابه=اجـهـوده لـنـصـرة الاســلام مبـذولـه

الحاكم اللــي صــنـع تاريخ لا احبابه=ويشوش منه الـعرب والكون بـ اصوله

سلمان صــقـــر الـعـروبـه سيد الغابه=يشهد له الـمـجـد والـتـاريــخ وفعوله

من صـغـر سـنه وكلن يحسب احسابه=لا قام يركـد جـمــيـع الخلق من حوله

ومحمد اللــي لابـــوه وجـده مشابه=فـعـايـلـه مـن طـنــاخــة راســه بطوله

للـجـار والـضـيــف فــاتــح دايـمـاً بابه=والـمـعـتـدي من لقاه يشوف ما يهوله

فـعـايـلـه فـي عـمـيــل إيــران واذنـابه=خـلـت يـد الـفرس دون الـدين مشلوله

هـذا للاســلام سـيـفً يـحـمـي اكـتـابه=ويشتال حـمــل الـعـرب والكايد يطوله

ولـي الـعـهـد حــــر والـتـاريـخ مـرقـابه=من صـغـر ســنـه وفـعـلـه يسبق الـ قوله
‏