احدى روائع شاعر االاندلس الشاعر الكبير/ ناصر القحطاني (جبل طارق)

20-07-2017, 02:40 AM

البيرق اللي على قمة جبل طارق
عارٍ حنى الهامه اللي طال عاتقها

جيت أسأله يوم شفته بالحزن غارق
وأقول شف حابس العبرات مطلقها

يا ورثنا اللي من المسروق للسارق
يااغلى المراقيب لو ما كنت شاهقها

ما بين مغرب رضاك وغيضك الشارق
ذكرتني حصة التاريخ ما أصدقها

ما كنّك اللي مرق من جانبك مارق
للوادي اللي فلول الذل فرقها

من طيب حظك ومن تفكيره الخارق
ساق المناوي وقال الله يحققها

ما تذكره يوم مر الماء كما الزارق
لميت جنده ولم السفن وأحرقها

ما تذكر الخطبة اللي سرت البارق
والخيل والريح والعزه و بيرقها

ما تذكر الغاده اللي غصنها وارق
من سربة الحق ترجي ثار خافقها

ما تذكر الفرقتين وشاسع الفارق
والسبع الأيام ما تذكر دقايقها

الموت مثل الحياه أطماع ومزارق
والأندلس تنتظر ميعاد عاشقها

بوابةٍ قبل ما تنشد من الطارق
هبايب المسك ساقت ريح طارقها

لين ارجهنت وغنّا شوقها الحارق
من أول أبراجها لآخر حدايقها

يا أغلى المراقيب أنا رحال ومفارق
والكلمة اللي تزيد الهم أبنطقها

طارق وروح تصبر يا جبل طارق
لو رزت القوم في راسك بيارقها

محمد الغنامي ,ملكة الرواسي ,روابي معجبون بهذا