قصص الوفاء عند العرب الاكلبي والسهلي

09-07-2017, 08:41 PM

بسم الله الرحمن الرحيم

من قصص حياة الباديه في نجد

نقدم لكم قصة الفارس منيس بن شنار بن عقاب المعاوي احد ابرز فرسان قبيلته واحد ابرز فرسان حلف اكلب والفارس محمد بن مزاح السهلي من قبيلة السهول

ذهب الفارس ابن عقاب من جنوب نجد من بيشه من حدباء الصواير مرباع قبيلته شمال بيشه
قاصد احد قبائل شمال نجد لشراء خيل مزيونه ذكرت له وهو كل معتاد انا الفرسان يحبون امتلاك الخيل الجميله (المزيونه) لكي يتفاخرو بها وهاذا ما كان يحدث بينا ابان قبيلة معاويه واكلب انذاك الازمنه في بيشه وعامة قبائل نجد وغيرها ذهب ابن عقاب وحينما هو في طريقه راى رجل من قبيلة السهول وهو الفارس محمد بن زماح السهلي وهو متزوج من احد نساء قبيلة ابن عقاب يبحث عن ابله فذهبا مع بعضهم وحينما هم في طريقهم شافو الابل معا فرسان كثر فقال الفارس ابن عقاب لرفيقه وش رايك نسوي قال السهلي اما انا ولا ابلي فقال الفارس ابن عقاب ابشر بلي تبيه فتبعوهم الى مكانهم وهو في اطراف نجد وحائل فحل اربع ليلي وهم يتبعون الفرسان وخامس ليله قرر الفارسان عزوهم فقال ابن عقاب
مبتغاي رد الجميله لنسيب = اما مكسب الجميله والا الموت ستار
فرد عليه رفيقه السهلي
انت راعي المجد والشور الصويب = منكم اعز الصحايب ومن غيركم مابه اخيار
فغزوهم ورد الابل كله وقتلو منهم ماشافت العين وذهبا وحينما هم في طريقم قال الفارس ابن عقاب لرفيقه انت اخذ جوادي ومالي هاذا ونا بتربص لمن جاء يبي يلحق اثرنا فخاف السهلي على رفيقه فقال ابن عقاب رح وبن تلاقا بعد اربع ليلي عند لقانا ون غبت عنك في معادنا رح وصل خبري لربعي ومالي وجوادي لك فذهب ابن مزاح السهلي وبقى ابن عقاب المعاوي يتربصهم فقتل زعيم قومهم وقتل من كان معه وقتل فرسه وعلقه في جادة جبل ثم واخذ منهم خيل اصيله ثم لحق بي رفيقه ولما اتى سمع رفيقه وهو جالس عند معادهم يقول :
يامن يعلمني عن علوم الرفيق = اللي فداني بروحه وجواده وماله
رفيقن مالقيت مثل فزعته رفيق = ياتي على العوجاء لعيون رفيقن لــه

فأتاه ابن عقاب وقال
جاك غايبن ماضاق من عوج الطريق = فزعته لرفيقن يستاهل الموت لجله
جاك بخبر مــن مــات بعوج المضيق = العقيد اللي موت فرسه شاهدن له

فطلب السهلي رفيقه ابن عقاب المعاوي الذهاب الى ربعه واخذ ماتطيب له من الابل ولاكن ابن عقاب رفض وكنه في قلبه

فذهب ابن عقاب الى الفرس اللي يريد شرائها وشرها ثم عاد الى ربعه وتوفي بعدها بي حولين في حرب بين معاويه واكلب ضد قبائل شهران

وهاذي من مكارم العرب ونخوتها وفزعتها

اتمنى ان تكون حازت على رضاكم

روابي ,محمد الغنامي معجبون بهذا