جديدي..
هبوطه الاول على صفحة الرواسي,عسى ان ينال الرضى ويكسب الذائقه..

ياطير قلّه مانبيها التكاليف=يكفي التواصل لاحصل منه كافي
بغيت امرّ بْديرته حسْبة الضيف=مرور لو ماهوب للقلب شافي
مرور غيمة وصل بين المواليف=في برقها تصوير ودّ احترافي
لحظة لقاا عجله ولكن على الكيف=في جو ممطر بالغراام وخرافي
على النقاا ماحاشها الكذب والزيف=قصة غلا بين الضلوع النحافي
والحظ قصّر,ماحصل فيه تشريف=سبّة غبارٍ ثار والجو صافي
وياذيب لاترقاا بروس المشاريف=على قنيبك كم صحَى جفن غافي
عوااك لو بعده من السيف للسيف=يِظهر صداه مْن المعاليق قافي
قلبك قوي وانا ترى قلبي رْهيف=اللي خلقنا حط فيه اختلافي
خلاص بانت مانبي زود تصريف=يمشي القدم في رغبة القلب حافي,