مدري هي اضلاع صدري تطلب سنينه *** او انها اضلاع صدره تطلب ارجاعي

17-04-2017, 12:42 AM

مدخل:

ماكل من والاك تقدر تواليه
بعض البشر عن دربه النفس دلها

ولاكل من عاداك تقدر تعاديه
بعض النفوس معلقات بكللها

ولا كل من جازاك تقدر تجازيه
بعض السوايا مايجازا اهلها

اثر دروبك يالــهوا كلها تيه
واثر القلوب الغاديات بسبلها

القصيده:

‎الحاصل اللي جرى مابيني وبينه
‎بعد الوداع الذي ثورلي اوجاعي

‎اني انا اقفيت مارديت من حينه
‎وانه هو اقفى وانا اسمع قرع الاضلاعي

‎مدري هي اضلاع صدري تطلب سنينه
‎او انها اضلاع صدره تطلب ارجاعي

‎لكنها سلومنا من راح لا يجينه
‎الا انه اللي رضى ايصير تباعي

‎والكفو مايمتثل لظروفه الشينه
‎ولايمتثل للمشاعر غصب ينصاعي

‎والطين نقدر نبدل غيره بطينه
‎والراس يفنى ماشاف الذل ماطاعي

‎واقدارنا غصب بامر الله تفنينه
‎والحمد له والشكر والكف شراعي

مخرج:

راحوا ورحنا ماتبعنا المقفين
لو ان فقدتهم علينا صعيبه

لكن من يرضى على نفسه الشين
يتبع ثرا المقفين في كل غيبه

قلمي : حمد الحربي

هماليل ,ملكة الرواسي ,محمد الغنامي و 1 آخرون معجبون بهذا