يابعد من لي تسمَّع واعتبرني مخطي=وما حصلي نفترض اني معك سويته
صر معي خصم وحكم تاخذ حججك وتعطي=واعتبر نفسك مغرر فيه انا دهويته
وعِدْ بذاكرتك لعصرٍ فات ماهو مبطي=يوم كنت تناغمه في قول عله ليته
ومن رايته مخطيٍ منا يشد بمقطي=ومن ثبت له حق من حقه يزار اب/بيته

ياحدب الجريد اليوم ما اوحي لورقك صوت=الا ذا الطوير اللي تسلي تغاريده
استوطن بعد جاكن لقى في نماكن قوت=يقول الكلا والما وذا كل ما اريده
اطرب له وانا اللي عقبهم خاطري مبهوت=اجاوب صدى صوت العصيفير واعيده
ليا ارعف مداد الباركر في بياض النوت=وعليه الهجوس املا من الهم تغريده
بحلق الرجا روحه تغرغر ولا يموت=وتخنقه يدين الياس بالحيل واتزيده
كان الصدر ميل وصار من طول هجره فوت=رحاباته الغاه بكاذب مواعيده