مساء الورد



البدو شدو ماكن الحي مذكور
ادخل على الله عيوني لا تهلي
العام قانص وشفت البيت معمور
بيت الشعر داخله ناسً تهلي
واليوم اشوف المسدوس صار مهجور
من عقب ماكان مدهالً مسلي
في نجد منزالهم والطيب مخبور
واليوم يذكر جنوبً من حولي
وجد عليهم وجد من شاف دكتور
تذرف عيونه هذا ماهو محلي
دكتور احب القمر والبر والنور
نور القمر لاتزايد منه ظلي
قال انت مرضان والمرضان ماجور
واعلم خروجك بعد شهرن يحلي
ولا وجود الدعيجا راعي الشور
جامع علوم المراجل وامتعلي
على ميحسن بعد مامات مقهور
الصاحب اللي بشوفه مايملي
فزع له وجاب له مطلبه عالفور
لكن محيسن على الاكتاف شلي
ماجور ياقلب عقب البدو ماجور
لو المفارق يتل القلب تلي
تل الرشا والمحاله نوب ماتدور
لين نقطع حبلها وتزداد غلي
هذا رسوم البدو والقاع ممطور
والنفل والشيح والقيصوم طلي
عسى عسوس البدو يلفون ونزور
مدهالهم والخواطر تسفهلي
مشتاق والشوق جمره داخل الزور
على حياة البدو ملي بـ ملي
غنيتها يوم شفت البيت مهجور
من عقب ماكان مدهالً مسلي

ملكة الرواسي ,غنجَ ,محمد الغنامي و 2 آخرون معجبون بهذا

النجلاء ,رحيل

صح
لسانكـ يا الجزل
مبدع كعادكتـ
يا احمد
لا عدمنا جديدكـ الامير
تقبل مروري

الله الله
أحمد السليمان صح لساااانك مليوووون
على الدره الرائعه والنفيسه ..
تقييمي المتواضع وفايف ستارز ،،

مع احترامي وتقديري لمن هم هنا=ممنون انا واتشكر للزميله رحيل
لو صار عن شكرها بالهجس ضعف ونا=الطيب الطيب اللي مبتدي بالجميل
لفعولها الطيبه من قبل سامك بنا=بنت اصل عن ما عليه مربيه ما تميل

شاعرنا المبدع
أحمد السليمان
صح الله لسانك مدد بلا عدد
ابدعت وامتعت كما تعودنا من سموك الابداع والامتاع والجزله
دمت ودام مداد قلمك ورقي حرفك الشامخ
تقديري وتقييمي لسموك
النجلاء

روعة الحرف تعانق سمو المعنى
لتستلهم من جمال الكلمه قصة ابداع
صح لسانك مليون ولا يكفون
تشرفت بقرائتي لقصيدتك الرائعه
وبيض الله وجهك على اتحافك الجزل
تحياتي وتقديري لشخصك الكريم

الله الله
احمد السليمان
صح لسانك واعتلا شانك
نص جميل ورائع كالعاااده
سجل اعجابي وتقديري
ولك اجمل تحيه

ڝحَ ﻟ̲ﺳ̲ﺂ̲ﻧ̲ڪْ يـﺂ̲ﻟ̲ﺂ̲ﻣ̲يـرّ


ﺗ̲قبـلْ ﻣ̲رّۆرّيے ﺗ̲حَيْـﺂ̲ﺗ̲يـے ﻟ̲ڪْ


ۆ بـﺂ̲ﻟ̲ﺗ̲ۆﻓ̲يـق

محمد فراج

صح بدنك ولاهنت ع المرور والاطراء الجميل

تقديري