نزف وافي رواسي - الصفحة 178

15-09-2018, 02:47 AM

شفت صوره وفيها من الشبه ميزه
وسريت مع الافكار وعشت وجودها

ذكرت وقتها ومكان كانت حيل اعزه
نقضي الليل سهر والاشواق تسودها

#صادق الحرف

15-09-2018, 03:54 AM

يلج الشوق ويجاوبه جرح الاحساس
كفايه صد وهجران وعنيت روحي

والله انك هنا ومع شهقة الانفاس
اغليك وبارق وسمك بصدري يلوحي

#صادق الحرف

15-09-2018, 04:00 AM

كيف العين تروق وانت بعيد عنها
وش لي بالشوف دامك تبخل علينا

والله تبطي يازمن ما تحرمني منها
معي الامل والامال بربي ما تبعدنا

#صادق ىالحرف

15-09-2018, 04:04 AM

حرك الرماد وتشوف النار بي حيه
ما تموت المشاعر وحنا نثني دونها

ما عاد تفرق معي لو الروح شقيه
خذت من الوقت جروح وشيد ركونها

#صادق الحرف

15-09-2018, 04:09 AM

هي منى الروح وهي غاية مرادي
هي بين البساتين تفوح بعطرها

احبها واعشق اسمها مع المنادي
وغلاها ما توصفه حروف بشعرها

#صادق الحرف

15-09-2018, 04:14 AM

ياغرام القلب وحبه وذاته
ارحم متيمً ساهر الليل

روف بحاله قبل مماته
تعال علاج جرحه العليل

#صادق الحرف

15-09-2018, 04:22 AM

انا اللي اظناني الشوق مع الايام
من زود حبه وطيب روحه واندفاعه

على النيه امشي الدرب بحب الغرام
اصبر ولو تضيق بي الارض واتساعه

#صادق الحرف

16-09-2018, 01:00 AM

حالة صمت مريبه جداً !!!

تجتاح فكري ,, بلا دموع .

لا اعلم ما هي هذي الحاله .

ولكن احب الهدوء والوحده مع نفسي ,,,,,

يمكن تريد استرجاع الذكريات ,, وكشف اوراقها .

ولاكن لا اظن لان الماضي اليم وقاسي جداً ,,,,,

ولا يوجد به ما يأنب الضمير . ولا اخاف الذنب .

او ربما هي حاله تستوجب الروح على الراحه من عنا الماضي ,

لا اعلم ,,,,,,, لا اعلم

#صادق الحرف