دك السحاب ورش وبله هماليل =لجة رعوده وارتكز فيه لامع

غيثن من المنشأ مزونه مقابيل=جعله من الأردن على جو جامع

وضح ومجاهيمن مثل حالك الليل=ملن ريوق مكعبات الصوامع

ويسقي وطن راع الرموش المضاليل =هو عشقتي من كاحلات المدامع

وجدي على لاماه زين التعاليل=عزالله اني فيه مغرم وطامع

مثل القمر في طلته نافل الجيل=بدرن كمل بين النجوم اللوامع

عني بعيد ولاتجيه المراسيل =والهرجة العذال ماني بسامع

مدري متى نمسك حبال المواصيل=من جادلن حبه على القلب شامع

واعطيه من جزل القصايد مواويل=ونحط بوجيه المغاليل قامع