من سالفة عمري تعلـمــت انا شوَيّ

28-10-2016, 10:35 PM

من سالفة عمري تعلــمت انا شوي

واخذت من جزل العلوم الوســيعــه

من بطـــنها الدنيا ظَهَـر كل مخــفيّ

شيَّ ب اذيع و شي ما اقدر اذيعـــه

من أوّل ايامي و انا اصيب واخطيّ

ومن بعد ما عمري تعَـــــدّى ربيعه

فيها فهـمــت ان البشر حيّ مع حيّ

روحً شرار وروح منقى وديعــــــه

روحً همـاج وروحً أعذب من الميّ

روحً عَبُوس وروح تَرفَهْ مطيعــــه

أرواح لكن تخـــــتلف ذيّ عَن ذيّ

ذا يشــــبهه هــــذا وهــذا تبيعــــــه

أحــــدً إلا شفـــــــــــته أبد ما تدانيّ

كرْهَهْ من الله للمفارق ذريعـــــــــه

ما يتبعك أو تتبعــــــــــــه لو توافيّ

وان صادفك جات الخطاوي سريعه

وأحدً ولا له بالبشـــــر يشبه و زَيّ

تبذل له الغالي و ما تستطيعـــــــــه

أحدً يجي فوق المعـــــالي معــــاليّ

واحدً تجي دنياه وحل و خميعــــــه

ذا ضيغمي لكنّ ذا دايم هْـــــــــــفَيّ

وهذا من اطياب النفـــــوس الرفيعه

هذا تشُـــوفه كل علمه ســــــــماويّ

والآخر اوصافه دنوّ و وضيعـــــــه

أشـباه واشكـال ومظاهــر وأسـاميّ

كــلّن له سلوم و علوم و طبيعــــــه

بعض البشــــــــر منهم لنا الله يكفيّ

أوصافهم بين المعاني شنيعــــــــــــه

أحـــــــــذر تجي مرباعهم يوم يا خَيّ

بَحّك عن اللي جود علمه شفيعـــــــه

واحرص على راع التقى خلّه وخَيّ

واللي عصى ربه أبد لا تطيعـــــــــه

واحذر من اللي يلحق الصوت بالغي

و اللي يلوُق المعــــرفة بالخديعــــــه

ومن لا يعـــــــدّك شيّ عدّه ولا شي

واللي وفاك اصحى أبد لا تبيعـــــــه

واللي شراك و خــــــــوّته شمسها فَيّ

شلّع به العَـــــليا و كن بالطليعــــــه

أرقى ســـــنود ودنيتك كن لها ضَيّ

بيع الردي ببلاش يالقَــــــــرم بيعه

ماجد بن رتيق

عبدالله الصقري ,ريوف ,* رؤى * و 11 آخرون معجبون بهذا
محمد الغنامي ,المصممه الوايليه ,روابي ,رحيل ,الملكة ,غنجَ ,سجين الرواسي ,الشموووخ ,غزلان ,النجلاء ,خيال مطير

28-10-2016, 10:48 PM

فيها فهـمــت ان البشر حيّ مع حيّ
روحً شرار وروح منقى وديعــــــه
صح لسانك حتى ترضى وبيض الله وجهك يالقرم , يالوجه الصبوحي
أبيات جزلهـ من جزل , تقبل مروري يالامير

الملكة ,ماجد بن رتيق معجبون بهذا

28-10-2016, 10:56 PM

الله الله
ياسلام عليك وصح الله لسانك ملايين
كايفه ونايفه وجزله من شاعر جزل ومبدع
دمت ودام مداد قلمك ورقي حرفك الفاخر
تقديري وتقييمي وختم التميز لسموك
النجلاء

الملكة ,ماجد بن رتيق معجبون بهذا

28-10-2016, 11:07 PM

اقتباس:

المشاركة الأصلية كتبت بواسطة خيال مطير

فيها فهـمــت ان البشر حيّ مع حيّ
روحً شرار وروح منقى وديعــــــه

صح لسانك حتى ترضى وبيض الله وجهك يالقرم , يالوجه الصبوحي
أبيات جزلهـ من جزل , تقبل مروري يالامير

يا لبيه يا بعد راس أخوك ماجد
صح بدنك و علا شأنك يالفاخر النادر
سلمت و دمت
حماك الله
ورعاك

لا خلا ولا عدم

28-10-2016, 11:09 PM

اقتباس:

المشاركة الأصلية كتبت بواسطة النجلاء

الله الله
ياسلام عليك وصح الله لسانك ملايين
كايفه ونايفه وجزله من شاعر جزل ومبدع
دمت ودام مداد قلمك ورقي حرفك الفاخر
تقديري وتقييمي وختم التميز لسموك
النجلاء

حيّ هلا و ترليون مسهلا بصاحبة الإمتياز الأدبي
سلم قلبك ونبض روحك و احساسك
و صح بدنك و علا شأنك
وكل شكري لألق مرورك و عبق إكرائك
حماك الله
ورعاك
وسدد بالسعادة و النور خطاك

تقديري و تحاياي و جنائن ورودي لسموك

29-10-2016, 12:20 AM

الله الله الله ي ماجد صح لسانك رووووووعه ~
مبدع وجزل ي ولد العم فخرنا انت وبصراحه تجاوزت حد الابداع ماشاء الله عليك. ~
ودي وتقديري لبوحك العذب وقلمك الفاخرررر ~

الملكة ,ماجد بن رتيق معجبون بهذا

29-10-2016, 05:54 AM

راااااائعه
صح لسانك ياماجد بعدد حروفها
شاعر مبدع وجزل
تحياااتي لك

الملكة ,ماجد بن رتيق معجبون بهذا

29-10-2016, 08:37 AM

/

صح لسانك وبيض الله وجهك
على هذه الرائعه المميزة
أبدعت و أمتعت ي ماجد

لاهنت

الملكة ,ماجد بن رتيق معجبون بهذا