قحطان دولة يوتيوب - الصفحة 5

27-10-2016, 12:26 PM

اقتباس:

المشاركة الأصلية كتبت بواسطة عايض العتيبي

صح لسااانك ياماجد
ونعم بقحطان .من غير قصور في كآفة القبايل
تفبل مروري وتحياتي + اعجابي

أرحب تراحيب الغيث سعادة المستشار

والنعم بحالك و آلك ولا عليكم زود أبد

وباقي القبايل على راسي

صح بدنك و علا شأنك

حماك الله

ورعاك

و أبقاك

لا خلا ولا عدم

27-10-2016, 12:29 PM

اقتباس:

المشاركة الأصلية كتبت بواسطة اصايل

رآآق لي حرفك
واستهوتني تعابييرك
احساس جمييل مادونته عبر سطوورك
فسلمت بعدد حروفك وابجديات القلم
تقبل
احتراامي

ياهلا و ترليون مسهلا يالأميرة

سلم قلبك و نبض روحك و احساسك

وكل شكري لمرورك الألق و إطرائك العبق

حماك الله

ورعاك

وسدد بالنور خطاك

تقديري و جنائن جوري لسموك

27-10-2016, 12:31 PM

اقتباس:

المشاركة الأصلية كتبت بواسطة ذايع الصيت

صح لسانك يالجزل
مبدع مبدع شاعرنا
لاهنت

ارحب تراحيب المطر يا بعدي

صح بدنك و علا شأنك

وكل شكري لمرورك السمو

حماك الله

ورعاك

وأبقاك

تقديري و تحاياي

27-10-2016, 02:12 PM

اقتباس:

المشاركة الأصلية كتبت بواسطة ماجد بن رتيق

قحطاااان دولة

و هذا مونتاج آخر

دنّ القصيد و شـــــــارد الفكر ترفان
وامسى ترفرافه غنا مع تلاحــــين

يلعب على االسامر و اجاريه نشوان
واجاكر طيور الحــــــروف المفاتين

قام يترنّمني على جزل الألحــــــــان
واطلق سـراح الشــاردات المساجين

واقبل يداعب سارح الفكر شــــيطان
واعـتذت بالله من جميع الشــــياطين

ثم اختلفني مــــــارد الشعــر عَــتبان
يطلب وعَـــــــــيّت طلـبته منّي اتبين

جا من اقاصي الأرض هادر وشرهان
في كفّ سيف و شـــال في كف سكين

من حوله جيوشه عفاريته و جــــــــان
وانا ورحمة خالقي منه تحمـــــــــــين

فج المدار و هَــــــــــــــجّ للقاف بيبان
واطلق جزيلات الشــــــــوارد شياهين

دندن و صديته و جازيته احســـــــان
وصبيت فنجالي علوم الشــــــــــــليين

زمجَــر ولا ادري ليه بالحيل غضبان
ثمّن ســــئلني وش على بالك أيحـــين

يا من عزفت القــــاف في كل الألوان
و اسرفت في عزفك بكــــثر التلاوين

في لابتك جد و اجزل بوصف قحطان
في مهجــــــتك وش يازنون القحـاطين

أنثْر لي اللي بالحــشى هـــــــــاته الآن
والمستكــــــنّ أبغى ترفرافـــــــه الحين

ما يدري بقـــــــــيس الغلا ما له اوزان
و قحطان ما يازن مداهـــــــــا موازين

ما يدري بساس الفخر أني انســـــــان
من ترثة الشـايب فريد المحاســــــــين

سلطان نجد و كل ما حولها كـــــــــان
كل الشوارد في وصوفه مساكــــــــين

محمد ابن هادي دوا كل طيشـــــــــان
نسل الأســــــــــود اللي حكم للميادين

هلي بني جحــدر على الجــهل بركان
لا ثارت الهيجا لفـــينا براكــــــــــين

جحادره والســــــــــاس بالطيب ريان
من جدّنا ابن ســحيم للعـــــــزّ راوين

هذا و ربعي جيش قحطــــــان يا فلان
في صيتهم قدهم عَدَوا من ورا الصــين

في كلّ قحــــــــطان النقا القاف يزدان
لن الفخر قحطان دار النقــــــــــــــيين

لو قلت لي نصف العرب فأنت غلطان
قم واستعذ يا مارد الشعــــــر في حين

ربعي عوال مضيم للجــــــود صيوان
من طورها للهــــــــور دار الأصيلين

ربعي بحر واللي يعــــــــــاديه غرقان
والسبع عمره ما يهاب البعـــــــــارين

قحــطــان صيت و للطويلات سـلطان
و شــــــــيوخنا في كل منحى سلاطين

قحطـان محزم للفخَـــــــــر دوم مليان
لو صفّـوا جيوش الجــــــــزيلة ملايين

في وصفهم شفت الجَــزل صابه جـنان
و كل الشـــــــــوارد في سماهم مجانين

قحــطان دولة و القحاطـــــــــين سكّان
عزّ و شـــــــــموخ و كل ابوهم ميامين

قحطان شعب و فيه الأجـــــــواد بلدان
رمز العروبة في جمـــــــــيع المواطين

قحطان دار و للنقا جمــــــــــلة اكـوان
دايم على راس الطـــــــــــويلة طويلين

قحطان واسئل عنّها كل الأزمــــــــــان
وفي وصفها قحطان نحتاج ل اســــنين

هي للمعالي دار و الجـــــــــــود أوطان
يشهــــــــــد لها الحضران ويّا البداوين

من حينها قحطــــــــــــان للطيب ديوان
و في وصفهـا تعجــــــز ألوف الدواوين

قحطــــــــــــــان و العليا لنا دوم عنوان
بين المعــــــــــــــــالي دايم الدوم عالين

حنّا بني قحطــان للجـــــــــــــود ميدان
للي على وضح النقـــــــــــا دوم وافـين

ذا فارس و هـــــذا على الطيب صنيان
وهذا نقا منقى جــــــــــــــزيل العناوين

وهذاك في منهل هل الجـــــــود بطران
واللي يمـــــــــــــــيني دايم دروبه يمين

وذالا على كل العـــــــــدا طير حوران
حي الحبيب و سقم كل المعــــــــــادين

أطفالنا من شــــــــــــقة الناب شجعـان
منبت نقا في فيظة الطــــــــيب رابين

و من حولنا كل العـرب عالي الشــــان
ربع و رفاقة للجـزيلة نياشــــــــــــــين

كل القـبايل شانها عندنا شــــــــــــــــان
ومن حُـولنا العـــــــربان بالطيب راقين

دمّ و نسب جيران واحباب و اخـــــوان
أوطان جود وفوق الأســـــــماء رفيعين

كلّن على هامــة ســـــــــــموّة له أمزان
شــــعبن سعودي يعشق الأرض والدين

ما نختلف عرق و مشاعر ووجــــــدان
بالله و حكّــــــــام الشـــــــــريعة قويّين

شـعبن وحكّامه وطن داخل انســـــــــان
جينا جسد واحــــــــــــــــد وبالله غنيين

دستورنا الإسلام و الشــــــــــــرع قرآن
و لخـــــــــادم البيتين لبّيه و آآآآآآآآآآمين

ماجد بن رتيق

كفو كفو شاعرنا,ونعم فيك وفي قبيلتك
وصح لسانك على هـ النص الشاامخ والابداع

تقديري,’’

ماجد بن رتيق معجب بهذا

27-10-2016, 09:05 PM

اقتباس:

المشاركة الأصلية كتبت بواسطة شاعرة نجد

كفو كفو شاعرنا,ونعم فيك وفيك قبيلنك
وصح لسانك على هـ النص الشاامخ والابداع

تقديري,’’

أرحبي ثم ارحبي ثم ارحبي يالأميرة

كفوك الطيب يا أطيب الطيب

والنعم بك و بآلك ولا على الجميع زود أبد

وإذا ما جملني قصيدي مع ربعي ولابتي لا خير فيه

صح بدنك و علا شأنك

وسلم قلبك و نبض روحك و احساسك

وكل شكري لمرورك الألق و إطرائك العبق

حماك الله

ورعاك

وسدد بالنور خطاك

تقديري و تحاياي و جنائن ورودي لسموك الكريم

29-10-2016, 08:00 PM

صح لسانك يالقرم
قصيده جزله ورايعه
تحياتي

ماجد بن رتيق معجب بهذا

20-11-2016, 06:58 AM

اقتباس:

المشاركة الأصلية كتبت بواسطة عاشق

صح لسانك يالقرم
قصيده جزله ورايعه
تحياتي

ارحب ارحب يا بعدي
صح بدنك و علا شأنك
حماك الله
ورعاك
وابقاك

لا خلا ولا عدم