تقول ياعازف ورا الشوق مابان=واقول كل الشوق فدوه عيونه
الصاحب اللي كل مافيه فتان=ردو سلامي له يااللي تجونه
ترا غلاه بداخل القلب له شان=ومهما ابتعدنا حالفني مااخونه
ابوجديل لانتثر فوق الامتان=يشبه سواد اليل كاسن متونه
والخد كنه بارق الصيف لحان=ليا كشف برقه وهلت امزونه
له لبتن مثل القمر نص شعبان=ليا اكتمل بدره تشابه للونه
والعين عين الحر والرمش ذبلان=لشافها العاشق تزايد طعونه
والبطن ضامر والخصر فيه نحلان=وردف(ن)معزل آه مااكثر ازيونه
كامل وصايف تودع العقل حيران=كل العذراء بميزته يحسدونه
حلفت انا مانساه لوكان ماكان=لو الظروف اتحول دوني ودونه
لاكن تطمن ياالغلا ماش نسيان=العهد لمني عطيته اصونه