لا تــحَـاوِل تـعـانـق قـلْـبِـي ....وتـمـتِـلِيه=مقْدَر أحْيي شعورِ(ن) مات وأنت السّببْ

الـحـقـيقه تــوارَت بـيـن شــك(ن) وتِـيـهْ=والـظّـنـون إمْـتـلـتْنِي والــهُـدُوء إرْتــعـبْ

قـلِّـي بـعـد الـخـيانَه وشْـهُـو الـلّي تَـبِيه!!=بـعـد مـا إخْـترت غـيري مـا يـفيد الـعَتبْ

وشْ بـقـى مـن غـرامك لـجل مـاااآرْتِوِيه=يـامـا قـلـبِي مــن الـخُـذْلان عَـبّ وشـربْ

حـبّـك الـلّـي تـغـيّر.. مــا قـدرت اشْـتكِيه=وإنّي ارْجَع "آحبّك" ..هذا شي(ن) صَعِبْ

الـهَـوَى مـبْـتلِيني .... وهُــو بـعـدْ مـبْتِليهْ=وكــل واااحـد يـداَوِي جَْـرحه ويـسْتِطبْ

مــا يِـحِـس إبْـعَـذابِي الاّ مـن عـاش فـيهْ=ومـايـطـيق الـمـفـارَق الاّ مــن قــد تَـعـبْ

والـحَـنين الـلّـي فِـيـني مـالقى لـه شـبيه=وكـل شـوق(ن) يجينِي بحْضنه وآغترِبْ

كُـنْـت آحــاوِل آجَـارِي وضْـعِي وارْتِـضِيه=غـاَفـلَتْنِي هـمـومي لـيـن حـقِّـي إنْـسَـلبْ

آااتــضــنـى لــحــالـي وآتـــوجــد عــلـيـه=يــوم هــو فــي مـيـااادين الـغرام إنـغلب

مِــن غــروره تـركْـنِي فــي الـهَواَ مـعْتِليِه=يـحـسـبنّه بـيـجْـنِي مـــن ذنُــوبِـه ذَهَــبْ

كـثْـرمـاهو تـكـبـر...وآنا كــنـت آحـتـويـه=كــان هــذا قــرارِي .."بـتْـركه وانـسحب"

رحْ..تـوكَّـل عـلـى الله واطْـلـبه وارْتـجِيه=يـاعـساك إتّـلاَااحَـق بـيتِك إلـلّي إنْـخَربْ

يـاخـفوقِي تـريَّث كـيف آطـاَوِع وآجِـيه!=مــادرَى إن الـمـحبّة مـاتـجِي بـالطّلبْ !!!

قـلّـه الـنّـفْس طـابـتْ ..حـتى لـو تـهْتوِيه=قـــدّر الله جِـفـانا ... والـفـراَق أنْـكِـتَبْ...
؛