قفت وانا قفيت والشوق باقي=ناره توهج فالحشى مستقيده
حكم القدر حتم علينا الفراقي=انا اشهد اني فاقد(ن)لي فقيده
حنا بدو للعرف نمشي انسياقي=وفي سلمنا دعوى الهواوي نقيده
وانا وهي نحلم بلحظة تلاقي=رغم القيود اللي علينا شديده
الصدر من فرقاه بالحيل ضاقي=واقفى الهنا واقبل عليه ضديده
والقلب كانه نخل من دون ساقي=تابس عروقه ثم يابس جريده
ياربعنا يامكرمين الطراقي=ياهل الكرم ياهل الفعول المجيده
ترى الخطر مشرق عليه شراقي=شفوا لحالي حل يمكن يفيده
نبى عليه نسوق غال النياقي=ترخص لها سلالات وضح(ن)فريده
اما ضوينا به وصار الوفاقي=والقلب ينعم في هواها ب عيده
و لا الفراق وحل كل الوثاقي=واعقل ركاب الشوق واقطع مديده