لي عشيرٍ كن نور القمر لون نحره = مع جماله فيه نورٍ مهوب مع الحريم
عود موزٍ لأنهزع مال بالغصن ثمره = ايتعطّف راوي العود لاهب النسيم
فيه عذروبٍ اليا اقفى ولقاك ظهره = كاسياته واحداتٍ مثل ريش الظليم
أثر مايبحث خفا الرجل ويجيب خبره = غير حب صغيرٍ فالهوى توه غشيم
شدّ قلبي لارحم بالمحبه ووسره = وسر عود بعود بالقد وضبابة يديم
كل ما قلت إدر بالحال زوّد بقشره = يالله لاتذكره بالخير مني ياكريم

انكان لا جيتك تجي جيت يمّك = وانكان اجيك ولا تجي رحت ما اجيك
ماني بخوك أصغر ضنا ابوك وأمك = رجلٍ على ما طالني منك اجازيك

بنت ياللي زوجوك القحاطيني = كن مالك ربع وعيال عمّاني
والله انا ما سفطنا تروحيني = مار فاتت وانتهت ياونياني
بنت عم وغاليه والك حقيني = حق من شانك وحقٍ علشاني
حق يبارك لك وحقٍ تعزيني = جامعتها كلها افراح واحزاني
صلفقوك مصلفقين المواعيني = كل ما جاء خاطبٍ راح زعلاني
لازم يعيون والا تعييني = كل واحد منكم يعاند الثاني
الاخو مجنون والعود مسكيني = والعجوز تراعي فلان وفلاني
لوّنْ اللي والٍ امرك رشيديني = كان هالحينه معك سرب ورعاني

ويلي على شوف خلٍ ياسراحاني = عشرين عام وغلاه منشفٍ دمي
عشرين عامٍ وحب الزين يشعاني=غدا عليّه لك الله هم مع همي
حبي لخلي وانا وياه ورعاني=وهوه صغيرٍ نهيده ما بعد زمي
كنيت حبه على الأقصين و الداني=م أبا النظر يلفت يمه ولا يمي
وطلبت يدها لاكن الحظ تعباني= بغيت اعمّر فرح قلبي ولا تمي