انا شاعرً موهوب في بدعة القيفان =ولا كل بيت القاه يالربع ابا اجيبه

اجيب الجزيل النادر المبدع المليان=من الصعب تنقد يامدوّر عذاريبه

تشيل القريحه حمل وترفرف الجنحان=وتجيب القوافي قو معنى وتركيبه

مبا ادخل فضا الاعلام والصحف والا كان=يقولون شاعرنا خذا الشعر في جيبه

اببعد عن الموضوع واخاطب النسيان=عن الوضع في صدري مبا الناس تدري به

مضى لي ثلاث اعوام والوضع لين الان=يجدد تباريحه .. وهمّه .. / وتعذيبه

تفنّن بصدري لين حال المتيم .. شان=وخلى الجوارح في حياتي تهذري به

من اسباب من خلى الملامح على البيبان=اطالع ليا مريت .. بيته وانادي به

خذاه الزمن واقفى وجور المفارق حان=ولا عاد ينفعني سوا دعاي .. ابدعي به

بعد كان لامنّي جرحته وانا الغلطان=يدور على اسمن عذر لرضاي ويجيبه

واذا ضاق مني قال شوف الغلط يافلان=واجي له بطيب العذر قدمه واهلي به

وبعد كان سيد الحب والزين والتحنان=وبعد كان مفتاح المشاعر بترحيبه

وبعد كان طيّب قلب والللللله ياما كان=ولا عاد ينفع كان .. لو ويش اسوي به

لو اعد ميزاته .. تبي تبطي الازمان=بمدحه وحبّه يوم الايام .. تجري به

عسى الله يديم الصبر ويعجل النسيان=ودرب المفارق خالق المّله .. يصيبه