لا تقترب لا صرت مغتاض بالله=مابي أشوفك دام ماني محاكيك
غثيتني وزوّد بي الطين بلـه=هم وقهر يا معذبٍ روح هاويك
غلطك ضيّع صافي الود كلـه=والخافق اللي تجرحه كيف يبغيك
قلبي تعله منك بالفين علـه=وانهيت ما لك من غلا وليت يشقيـك
يا صاحبي با أعطيك قول بمحله=آخر نفس و أنا وحبي نعزيـك
ما تعتذر وش جاك عن كل زلـه=وتغيّر اطباعك معي دام أنا أغليك
طبع الغلط عنـدك كسيفٍ تسلـه=لا عاد تشكينـي ولانـي بشاكيـك
واليا لقيته شين ماهي مذله=ما يحتمل موقف غلط لو بأعاديك
وجـدد ثياب الحزن والضيم خلـه=عج ٍ يكدر جو صافي مراميك
من أول ٍ وياك شخصٍ وظله=واليوم لا تقبل ولاني ملاقيك
لي مسلكٍ بالحب ليتـك تدله=كانك على العشره تركز مساريك
وأهل المحبـة دربهـم مـا نمله=لوّه شقى للقلب هم ودواكيك