اليوم انا ادرى باختلاف المفاهيم=وافكار هذا الجيل وافكار جيلي
بالله سوي خربشه يالاباهيم=على كيبورد اللابتب ارسمي لي
للشاه بالألوان خطي مراسيم=برفيع ذوق لكل فنٍ جميلي
غابوا ولغياب الربع قلت ماهيم=وفهمت ماجاب الخبر لي رسيلي
على فضول السين ما غابت الجيم=ولا بيحت لي من بطاها حفيلي
اخلاط ناس (اوناس) فيهم غنانيم=وانا كلبش الهاجس ازرى بحيلي
وعرفت سيلي عاقبٍ غشنته ديم=عساسهم ما يذكر انذور سيلي
افكاري اللي صدرت مضميه حيم=مع دربهن صدرت انا ما روي لي
واثر البطل ينقا العفر من مجاهيم=ذا ديدن ابو زيد له غزو ليلي
لا عفري اقنص لا وضيحي ولا ريم=وتصخير عسرات القوافي حصيلي
واسلم وسلم لي على ذاك تسليم=وقل لا يجي مثلي وينسى الصميلي

اخلاط نـاس (اونـاس) فيهـم غنانيـم
وانــا كلـبـش الهـاجـس ازرى بحـيـلـي

واثر البطـل ينقـا العفـر مـن مجاهيـم
ذا ديــدن ابــو زيــد لــه غـــزو لـيـلـي