غلاك عنـدي مـا نقـص لـو تغليـت =لبـي التغلي والعيون الوسيـعـه
يـا صاحبـي لا تحسبـنـي تناسـيـت =منكم وانـا مالـي بـدرب القطيعـه
بنيت لك في داخل القلب لـك بيـت =بيـتٍ احصونـه ياغنـاتـي منيـعـه
وسكنت وحـدك بالحشـا واستحليـت =قلبـي وروحـي كلهـا لـك مطيعـه
أعيش في ذكرك ليا اصبحت وامسيت =ياغايتـي ياللـي فـراقـك وجيـعـه
أدلـه ولا منـي ذكرتـك تمنـيـت =انـي قريبـك لـو بحكـم الشريـعـه
ياوجد حالي وجـد مـن بـه تناهيـت =لا نامـو العـربـان جـاتـه سريـعـه
من عقب ماهو كان منصا ولـه صيـت =حـده زمانـه والسنـيـن الهزيـعـه
والربع صـارو كـل ابوهـم تشاتيـت =ياكبرهـا فـي داخلـه مـن فجيعـه
ونيـت يـوم النـاس نامـو وونيـت =عند الصبح والعصر قـد هـي طبيعـه
ياليـت ربـي ماكتـب لـك وقفيـت =وتركت في صـدري جـروحٍ شنيعـه
وياليت ربي ماكتـب لـي تماديـت =فـي حبـكـم والحب،،تاليه،،ضيـعـه