قريحتي تقول فيها انحساره=وهجسي من امسيان ماهوب مامون
واشوف بطموحك صريح وعياره=مليار ما ظنيت بحساب قارون
من عبداللطيف الكسز اخذه باجاره=وسافر وجاوب صوت ناسٍ يغنون
والملك مايوخذ بليا جداره=وللشيخه انته كفو وابليس ملعون
وشعيل والذياله ام الحواره=تجارها في كل ديره ينادون
اما الشناح اللي تشوف الشراره=تقادح بالباتها باثنعش لون
هي سبة القولون بك والمراره=وهي علتي والله يكون إلك بالعون
وصحبتك لرجال الوفا والطاهره= اللي ليا صكتك بقعا يعينون
اظن ذي ماهيب تبغا شطاره=انته ذكي وفطن وبراس وعيون
هذا مرد العود والعلم اشاره=والرزق من مولاك للعبد مضمون