أدورك ما بين ذولا وذولاك=
واليا لمحتك قلت ما فيك حيله

ارت هجوسي بين مرحا وحياك=
والمومن يقولون قلبه دليله

شفني مشيد وسط الاعماق مبناك=
مبناك راسي ماش شي يشيله

لولاك ما صغت المثايل ولولاك=
ما ساقني هجسي لراس الطويله

مشكلتك العظمى بوفرة مزاياك=
ومشكلتي العظمى حدود الفضيله

اخاف ادور لك مع الناس ما القاك=
وانا قبل لا القاك شوق الكحيله

تعال شفني واقف اراقب خطاك=
واصد لا مريت خوف الفشيله

جهزت مجلاسك وجهزت مركاك=
وسويت لك من صادق الود شيله

اللحن نقازي مهو لحن سكناك=
يطرب مسامع ناقضات الجديله

هذا صدى صوتي يداعب محياك=
وان كان ما يزهاك يا عزتي له

كنه شجاع قابله جيش فتاك=
ومنهو يلومه كان عرط شليله

نسق قصيدتك انت لاهنت لاهنت=مبدا المروه راح يفداك يفداك
عينك تلد من امس في كحلة البنت=وتحسس لرجف المشقى بيمناك

الرمي رمي بواردي ما هفا سنت=يخزي ابليسك وتهبا نظرة اعداك
ورميي يصيب وبه خطا لو تمعنت=اركد ولا يلعب فويره بمخباك