يالجوال لو تبقى على الصامت احسن لك=تهزهز مكانك يمكن احسن من الرنين
وياقلب بين العوج قبل امس من تلك=لاتنكر دريت بتلته لك من الونين
ياعين الشقى على مسهرك من دلك=ارحم دمعةٍ دايم ترقرق بجفن العين

ليل الشتا ما اطولك ياليل=ما تكفي ايات تعليله
على البعض قاسيٍ بالحيل=ياويل ساهرك ياويله
ياساهجٍ خدّْره بالميل=وخدودك اسهاف واسيله
عليك لي يالغلا تعويل=قلبي يبي منك ياويله

وشلون ابا اصبر عنه وش لون=يا اهل التجاريب قولولي
وانا بي من الرموش طعون=ورثمات توجع من الولي
بالعون ما راف بي بالعون=ما فيِّ هو عنه مسؤولي
راع الهواء كن فيه جنون=الا مغربل ومرحولي
لومايبونه بهم مفتون=به عزم والحال مسلولي