لي ايام انشِّدْ واثر سامي هو المسجون=وبالسجن الف ولاش اثر للبطل سامي
شيوخ السجن ياحارسه عنك لا يدرون=المسجون مو موجود وش فيك متعامي
وابو احمد معه عذرٍ موثق وله مضمون=من ما سكن بين المحاديب ما نامي
شناح وتتل القلب الاخضر بنجل عيون=وعن غيرها من لابسات الغدف شامي
قل بالهون ياست الحلا بالفتى بالهون=روفي في فوادٍ من تباريحكم دامي

عليك الله اكبر ياحمامٍ سجع بلحون=شجيت الهجوس اللي مشجيه غنامي
لوبس انت من حرك بي الشوق قلت اتهون=لكن قاف ابو بندر سحب قافي الزامي
عسى الله يبيحه صبَّح وبيح المكنون=ونبش له جريحٍ مندمل من كذا عامي
لكني على ما حل بي شاكر وممنون=حتى لو همومي جت اخلافي وقدامي
انا مانسيت الاتلع الاطرق المزيون=ابو مبسمٍ يروي بمنطوقه الضامي
جبينه هلال وحاجبه مثل قلبة نون=بمراتب جمال الغيد له مركزٍ سامي

يا زين يا للي من فؤادي تمكنت=يا للي جمالك بالتواصيف ذبّاح
من يوم شفتك يا هوى البال ما نمت=ما غمضت لي عين والعقل سرّاح
انشد مواويل الهوى وين ما كنت=دايم وقلبي بالمناجاة صدّاح
طيفك غرامي لا ذكرته تطمنت=يسرح خيال وما على الوقت رواح
من مبسمك ريح الخزامى تشممت=وانت الوحيد بنادر العطر فواح
في ذمتي مثلك من الخلق ما شفت=يا نادر ٍ بالناس والخد تفاح
انا اشهد اني في جمالك تولعت=وزاد الغرام و صار للحب فضاح
يا سعد قلبي لين جيتك وسلمت=راضي اضمك بين الاضلاع سواح
يا ليتني في منيتي لك تقدمت=قلبي صبور ولكن السد ينباح
ما لاق لي غيرك من الناس واقسمت=ولو لا الهوا ما بالسماء الطير سباح

سوق الضحك تكفين يابنت وينه=في سوقنا من غيبتك عنه معدوم
ماشفت له بوجيه من مر عينه=قبل امس وامس وقبل قبل امس واليوم
ومن ينتظر ميعاد ربه يعينه=لايقضبه مقعد ولا يطرحه نوم
ينهت ويصفق في شماله يمينه=ودقيقته تحسب بخمسة عشر يوم
ترفقي باللي بكفك رهينه=مولع ومغرم وهايم وملزوم
في شوفتك/تكفين لاتتركينه=وان كان (لا) فالأمر وضح ومحسوم