حزب المدمر يوم جوه القوانيص=قلنا بحرهم يصبح يصافق الموج
واصبح بجزره مربز كنه النيص=ليا شم ريح الذيب مع هبة الهوج
اسلافهم من قبل ذا تتعب العيص=يوم الحصان وساعة يسل عمهوج
وحزب السعد طبعه يحب المحاويص=مثل القذاه ان ناشها المرود اتلوج
قصدير بالشرقه يجي له بلابيص=ماله وزن يشرى ولا طيبٍ ايفوج

حبيس الرواسي عنفوانك على ماهو=لايسكن وخذ عفشك قبل ما تجي هِيه
واسمع ياخفير السجن من يوم زان الجو=حبيس اطلقه واحضر شموخ ابعربيه
استعجل لاتبلشني بترديد ليه ولو=بسجن الشموخ ايطيح خمسين بالميه
خل الطير يكفخ باشقر الريش لاحلو=سيوره .عسى مولاه يصلح له النيه
انا اطوي شرايط ذكريات امس وانفلو=منها عاودتني سجة الفكر الاصليه
ان كان اربعه للهرش فيما ذكر شلو=انا شل قلبي رمش عين النداويه
بسهافٍ تكاشف كنها برق صادق نو=وخصرٍ نحيل اضم عليه بيديه
ليا دوجت في سوق من به بها فهو=لو حوران معهم قال ابد ماخلق زيه