ارحب يابن يام ماظنك علينا باخلٍ بالكلام=عطنا علومك بعد ذاااك اللقاء ما اوحيت صوتك
من السنن ياحمد لاجيت مجلس باشره بالسلام=نيف وثلاثين حسنه ليه تتركها تفوتك
يامرحبا بك عدد ماهل من مزنه رشاش الغمام=ترحيبةٍ ما تطيق اتقيسها بمترك وفوتك
تمتد من منطقة نجران لين تشارف الشام=تليق في مستواك ولاتصادم مع نعوتك

يالعاصمي واللي بنا شق الاسماع=اني لهامن حين بانت تسلمت
من كلمتين إفرح ومن كلمه إرتاع=ماشابت رموشك ولكن توهمت
انا الذي ينكال له في قفى الصاع=مرات لكني غبي ما تعلمت
وعزي لقومٍ نومهم فوق الاكواع=ياما كماهم من شقى خاطري نمت
حتى لو ان هجسي كما قلت بتاع=تراه ماغير يتضايق من الحمت
ويكسر الحسبه على اخماس واسباع=وينحي عليَّ من الخسارات بالشمت
وصار الجدا مما جرى عض الاصباع=من غير ذنب اعذبه لاتندمت

عسى الله يهدي الساجن يسلي المسجون=كم واحد من الضيقه يسولف على نفسه
ان كان الغدا فاتك صبر والعشا مضمون=وتفضل هجورك قرص بالزبده انعفسه
قسمنا لك الحاشي قطع في ثلاث صحون=يجيبه لنا بالجيب كومار ابو رفسه
هذا عذر ماهو قدر لك والرزيل ايهون=وحزب العاصفه لك يعتبر مدته طفسه