انا سجنت البارحه طير حوران=ولقيت ماجد بالسجن من غريمه
يامرحبابه عد من كاينن كان=ترحيب تقديرٍ وحشمه وشيمه
بدايته خذلك من البن فنجان=والظهر بطنك جوعه للوليمه
وعطنا من جزال التماثيل قيفان=تزيل ضيقتنا يامال الغنيمه
يشدنا توصيف مدعوج الاعيان=شقحا شناح ولا عليها وسيمه
من حبها للبعض عامين وجعان=ومن شوقها يسهر لو الخود نيمه
وليا سمع نوح الرواعب مسيان=ناوح نوايحها وروحه سقيمه
ووجه لها مسرع على جيب نيسان =طاير ولو يعطيه ساهر قسيمه

يا اهل السجون الاديب العاصمي وين راح=اليوم ما اوحيت له تغمه ولا البارحه
ابيه بالمزرعه يسمح حفيف الرياح=بحدب الجرايد وورقاً فوقها نايحه
وليا تقهوا من الرسلان ثم استراح=تهب نسمة جنوب اتثير قرايحه
ويطري على باله ليا امسى ضبي البراح=اللي فواده لهيب اشواقها لايحه
ليا قلت له نم يقول اواه وين المراح=طير من الجفن نومي ربه يبايحه
على خيالي بدت صوره لسيد الملاح=اللي على جمر حبه دلتي فايحه