من امس ما احدٍ طب في سجن الابداع=تقول مغلق دون الافراد ريعه

جيته وانا من وحشته شبه مرتاع=امشي وخطواتي طوال وسريعه

ومسكرٍ من دون الاصوات الاسماع=ماودي اسمع لي علومٍ فضيعه

وناديت ابو ساره وعازف وهزاع=ومحمد العواد واهل البديعه

وناديت لا ابو عبيد من عقب مذواع=الصيرمي نسل الحصون المنيعه

انا اعرف انه للعسيرات بتاع=حليم راكد خصم ساكن طبيعه

اجيه لا زادن على الصدر الاوجاع=انخاه وله السر من قلب اذيعه

من سبة اللي ساكنٍ بين الاضلاع=غالي واخذ طبع التغلي ذريعه

ابو عيونٍ ناعسه سود ووساع=من شانها اغلى ماملكته تبيعه

لاقلت قربلي يفتل بالاصباع=ويقول حالف من يقرب ما اطيعه