ماعندكم بالله للمسجون زاد ولا شراب؟!!=الله يعين اهل السجون الهالكه والجايعه
العام اشوف السجن به مالذ يا اخواني وطاب=واليوم حتى غترت المسجون صارت ضايعه
هذا سوال محترم وازريت لا ألقا له جواب=واحترت انا مابين شراي السوال وبايعه
خلوني اسكت ياعرب واصك دون العلم باب=وسرٍ بصدري ناوي اخليه ماني ذايعه
يارب قدرني على الفعل المجمل والصواب=واعصم لساني يالكريم عن الهروج التايعه

قريت بعض البيوت اللي تهيض الهجوس=واسترسل الفكر والالحان غنابها
للفكره اشعب ذلولي مثل كل العسوس=حتى اهل الالباب ترسخ داخل البابها
واخذ من اهل التجارب فالحياه الدروس=والعله اعرف قبل صرف الدوا اسبابها
فـ نفوسنا الخير من رب العباد مغروس=وهبه من الله نموت بها ونحيابها