قلبي ما يبا بعد خلي يبا القرب=لاكن ما بيني وبينه قرابه
قلبي غدوبه حرب ردوه ياحرب=قدام لا ننخا علاكم عتابه
قدام تالع شرق وتشب فالغرب=نارٍ حطبها من قبايل شبابه
مادام ما سكر علاكم ولا درب=تلقون دربٍ غير درب الحرابه
وانكان عزمتوا على الحرب والضرب=حربٍ تريده حرب يامرحبابه
نبا نصبّح حرب بالخيل والسرب=حتى يرد القلب حيٍ غدابه
لي عام ما يهناني الزاد والشرب=واكله وشربه صاحبي ما اهتنابه
وآتل قلبي تلة الحبل للغرب=وراع السواني دالهٍ ما درابه
غربٍ ملاه يعبي الحوض للعرب=واليا هوى فوق ازرق الجم جابه
غربٍ نواعيره تركّب على خرب=ومحالته تقنب قنيب الذيابه