ابتلت قلبي بليّه ويل قلبٍ تبتليه=يوم شفت الشوفه اللي شفتها يوم الربوع
شفت من يا شفت عينه لدّت بشيٍّ تبيه=كنّها عين النداوي يوم حقق للطلوع
عين فرخٍ حوّجوه وبانت الحاجه عليه=ليلتينٍ ما تعشّى بين برد وبين جوع
كنت اظن القلب طيحات المحبّه ما تجيه=لين طحت بخدعة الوقت المخادع امخدوع
طحت في حب الهنوف اللي هواها طاح فيه=كل من تلّت خفوقه من محاديب الضلوع
خشف ريمٍ بالوصايف ما يشابه له شبيه=فيه للقمرا ضياها وفيه للنجمه سطوع
يوم صدّر صك قلبي وصار قلبي ملك ايديه=غاب عنّي غيبة اللي ما لغيباته رجوع

يالشاعره عاني العواد يرسف بالحلق والقيود=من دونه سياج سجن ولا اعرف من قبل من ساجنه
ياجعل يومٍ به المهره تغله بالكلبشه يعود=يسلم خفيرٍ طرق به في وسط صندوق فكسواجنه
الشاذليه مع خلاص الحسا معها نبرك قعود= اب قيق ماقيق مانقري ولانعرف محمرها ولا طاجنه
خليه يبكي على حتايفٍ بين الجبل والنفود=وقرصٍ قبل ما يشق النور جاح الجمر له عاجنه

وين انت ياللي كل ما غبت و ابطيت=يضيق خلقي ويتعكّر مزاجي
ان غبت ضقت و بعد غيبتْك يا جيت=صرفت لاوجاع الغياب العلاجي
قلي بقلبي يالغلا ويش سويت=هو ليه ما يضحك لغيرك حجاجي
بيني وبينك كل ما شفتك اقفيت=يولّع بصدري فتيل السراجي

.

لا تشمّت يالهواوي بالسجين=وانت داري بالزمان ودورته
كم سعيدٍ صار في لحظه حزين=شوّهت بيض النواصي صورته
من تستّر بالليالي و السنين=تنكشف يا طير شلوى عورته