![]() |
|
![]() |
انشر الموضوع |
|
أدوات الموضوع | انواع عرض الموضوع |
![]() |
#4081 |
![]() ![]() ![]() ![]() ![]() ![]() ![]() ![]() ![]() |
![]() شبيت ضوي في رجـا الغنـج والتيـه وتشب ضو البعد .. يـا شيـن جـورك (( الفي عليك بشوق وتقـول مـا فيـه ودك بوصلي بس يـا كبـر امـورك )) اللي بقلبي من غلا .. خـذت باقيـه ؟؟ رده علي تكفـى .. أو إكفـه شـرورك |
![]() ![]() ![]() |
![]() |
#4082 |
![]() ![]() ![]() ![]() ![]() ![]() ![]() ![]() ![]() |
![]() قصه وقصيدهـ الـبـنـت والدبــله.. الـبـنـت والدبــله.. قصه وقصيدهـ هذي قصة يرويها لنا الرواي محمد الشرهان يقول كنت معزوم انا ورفيق لي عند واحد من الاصدقاء , وركبت انا واياه السيارة في شارع عام فيه محلات ودكاكين والشارع مليان , وقفتنا الإشارة والى فيه واحد واقف جبنا هاكالصالون الأسود ازياقه بيض ممسحة جنوطه كروم ويلق وقزازه نظيف , هالصالون فيه عائلة وأطفال وحريم , وصار يقدم شوي شوي ولاحظنا ان فيه بنت شابة بين من ذرعانها اللي مطلعتهن مرتكية على الباب ما شاء الله عليها وحاطة دبلة بيدها وقامت البنت تفر الدبلة باصبعها وسألت رفيقي وش ظنك يون انها تفر الدبلة ليه وش السبب ؟ قال يمكن انها تبي تعلمنا انها مخطوبة الحاصل فتحت الإشارة وجينا عند الإشارة الثانية ووقفنا كلنا جنب بعض وقال صاحبي تصدق انا اشوف هالصالون كل صبح اتوافق أنا وياه عند هالاشارة كلما رحت اودي عيالي للمدرسة واحيانا نتلاقى انا والسواق عند الباب المدرسة وهم ساكنين عندنا في الحارة شمال عنا والبنت هذي دايم هذا مكانها في الصالون والظاهر انهم بدو هالعايلة ماهم بحضر تدري ابسأل واشوف , المهم انا رحنا وخليناهم يوم فتحت الاشارة كل راح في سبيلة هم في جهة وحنا في جهة , خويي هذا شاعر ولكنه هو من الشعراء العقلاء المحترمين تخبر الشاعر الى شاف شي يتأثر ويقول قصيدة وبس ما يروح يوذي الناس ويلاحقهم , خويي كان معه بالسيارة شريط في المسجل قال ابسمعك هالشريط فيه سامرية , شغله والى السامرية تقول : يامن يسليني عن الهم لو يــوم * * * يبعد عن القلب الحزيـن اشتغاله اربــع ليــال ما تهنيت بالنــــوم * * * والدمع من عينــي تزايد همالــه لا قلت ياقلب العنا مانت ملزوم * * *اترك هوى الخفرات مالك وماله كم واحد خلنه البيـض مهمــوم * * * لو كان صافي حبهن ما صفا له الحب الاول به تعاليـل وسلــوم * * * واقفى زمــان اول ولا جا بدالـه ويوم خلصت قلت له هذي سامرية يغنونها منول والظاهر ان باقي بها بيت او بيتين وهي لشاعر معروف اسمه عبدالعزيز بن محمد الغنام شاعر معاصر من اهل سدير , وقال والله كلماتها زينه وهو صادق قام يرد القصيدة ويبدي اعجابه بالشاعر وقال عزالله اني تولعت باللي شفته ( والله الذرعان عملت عمايلها ![]() وتعشينا والعزيمة مناسبة زواج ولقينا فيها شعار كثار . المهم مالكم بالطويله يالربع يقول سرينا انا والرجال والى هالحين يهوجس بالذراع اللي هو شاف والدبلة اللي بالأصابع ويوم ودعته قال هاه يا محمد انا ملزوم انشد عن هالدبلة وش سنعها والظاهر ان خوينا هذا قد شاف البنت أكثر من مره ولمحها لمحات خفيفة وسريعة بس ماهو معلم ( ايه من عمر الدنيا وهم يقولون اللمحه ذبحه ![]() فترة حوالي أربعة أيام واتصلت عليه قلت هاه ! قال ايه سألت عنهم واحد من جيراني يقال له أبو صالح قال أي بالله اعرفهم هذولا ناس أجاويد بدو ومحترمين وأهلهم ورجال طيبين وقد خطبت بنتهم , بس هاه لياك تولع بهم , قال والله إني قد تولعت وش تهقا قال لا ابوهم راعي بر وحلال وأكثر وقته في البر وأهله بعد إلى جا الخميس وجمعه يروحون لأبوهم وفي البر واللي أنت شفت راعية الدبلة تروح لأبوها في البر اللي على ما قال الشاعر : تتبع اللي يثني الرجل عند ابله * * * العماير والفلل ما يدانيها ماهوب يداني البلد , قال وينهم بعيد قال أي بالله بعيد : في خلي تنبت الشيح والربلة * * * بعد والله يابو صالح حراويها الحاصل خويي قال الابيات هذي وهو شاعر معاصر معروف وهو الشاعر عبدالله بن محمد السياري ويقول : من لكبـــــد من هالايـــام مندبلـــة * * * ما يشيـل الهاف لو ربع ما فيـها لي صديـق كل ما ضقت ابنــدب له * * * وانشده عن ضيقتي ويش تاليها واشتكـــي لـه حب لباسـة الدبلـــة * * * انتحت عنـــي وانا مولــع فيــها من يضيــع عشقته ضيــع القبــله * * *الله واكبر ينعش الــروح طاريها كل ما ابعد قمت اوصي وانجب له * * * دايم رجلي على الدرب محفيــها وان قرب عندي وعزمت اقرب له * * * خفت من علم يجيـها ويوذيــها نون عين صويحبي يبــرح العبلــة * * * طلعها ممشات يــوم لراميـــها في خلـــي تنبـت الشيــح والربلـــة * * * بعد والله يابو صالح حراويــها ويش رايك لو حصل منـه لي قبلـة * * * ناري اللي بالحشــا ما تطفيـها دمتم بود |
![]() |
![]() |
#4084 |
![]() ![]() ![]() ![]() ![]() ![]() ![]() ![]() ![]() ![]() ![]() |
![]()
لا هنتم
يعطيكم العافية |
![]() فِــيَ صَــمَــتــيَ كْــلآم ْ.. مَــآ يـَـفــهَــمَــهَ كِــلْ إنــسَــآنْ وفـِـيَ شِــمَــوَخِــيَ مَــهَــآبــَه تِــعَــدَت كِــلْ الأوَطَــآنْ !! ![]() |
![]() |
#4085 |
![]() ![]() ![]() ![]() ![]() ![]() ![]() ![]() ![]() |
![]() اقتباس:
اسعد الله جميع اوقاتكم بكل خير
اعذروني على التقصير الغير ارادي تداهمني الاشغال من يمين ويسار والفضاوه قليله ذي قصيدة متواضعه كفاله اتمنى تنال رضاكمم واترك اختيار السجين لـ اخوي محمد الغنامي >>>>> بورطه هههههههههه تفضلوا : سلام الله سلامَ ينبعث من خاطراً مسرور على اهل الشعر والشعار والموقع وزواره * * رواسي نجد يا محمد يشعشع فيه مثل النور سطع نجمه وشفت الشعر والابداع وانواره * * عن اذنك يا محمد بقلب الموجه خلال سطور بـ اعبر من مشاعر شاعراً فالسجن واسواره * * سجين وسجني مأبد من اسباب الهوى والجور ياليت القلب ما حب وياليته ما اونس آثاره * * جهلت الدرب والجمره سبايب وصفة الدكتور بـ اكحلها ولكنّي عميت وجاتني ناره * * ثمان سنين يا محمد على ساق وقدم مكسور اراجع ما مضى والذكريات تسوقني تاره * * جنيت من السنين الماضيه هم وعنا وضرور يعوض الله فـ اللي راح والايام دوااااره ســـعـــد الله الله سعد بن حسين صح لسانك مليون يالمبدع تسلم يدينك ويسلم يبوحك انا اعتذر نسيت القصيده والله وانشغلت بأمور خاصه مع الدعم |
![]() ![]() |
![]() |
#4086 |
![]()
حزب العاصفه
![]() ![]() ![]() ![]() ![]() ![]() ![]() ![]() |
![]()
السلام عليكم ورحمة الله وبركاته والمعذره كنت على سفر
صحت السنتكم جميعا رغم اني ما اكلعت على ما سبق ــــــــــــــــــــــــــــــــــــــــــــــــــ ــــــــــــــــــــــــــــــــــــــــ الا يالحمام اللي تعلا ورف جناح=المجنب منه والمشمله منه مسموحه مايطلع عندي تنسيق القصيده؟؟؟
بالله خذا معك كلمات من فيض صدرٍ فاح=عسى بالردود اللي تجي ينخفض فوحه سلم لي عليه وقل ترا السد عقبه باح=مزاره لو انه موت ماعنه مندوحه مسا الخير ياقلبٍ خذا القلب معه وراح= وانا كل خوفي تصبح الروحه الروحه لذكر الفراق ايغز بالصدر حد رماح=والاعي حمام الورق لاناح في نوحه انا في شقا والا انت شكلك كذا مرتاح=من يفقدك كنه يالغلا فاقدٍ روحه ــــــــــــــــــــــــــــــــ |
![]()
التعديل الأخير تم بواسطة مهرة يام ; 16-08-2016 الساعة 11:39 AM
![]() |
![]() |
#4087 |
![]()
حزب العاصفه
![]() ![]() ![]() ![]() ![]() ![]() ![]() ![]() |
![]()
محمد العواد /محد الغنامي/الطير حوران/ ابو حسين/ شاعرة نجدـ ابو جزاء/ النجلاء/ المهره/الملكه ومن لم اذكره نسيانا لا حقرانا
صحت السنتكم وابدانكم ولاهان روسكم ومساكم الله وصبحكم بالخير العفو كنت على سفر |
![]() |
![]() |
#4088 |
![]()
حزب العاصفه
![]() ![]() ![]() ![]() ![]() ![]() ![]() ![]() |
![]()
يالطير حوران طرقٍ لك مضى وش فيه وش فيه=سعد وسجنه وغطت شاربي في در ناقه
يعني كفلت الغليم والسجن كرفستني فيه=والا مرادك بعيد وهاجسك جابه لياقه |
![]() |
![]() |
|
|