السجين انحاش ماله فيك لايم=شد عفشه فوق ريمه ثم نهمها
وش يبا في دار راعين الظلايم=ديرة ً بالعدل مارفرف علمها
حط مابينه وبين السجن قايم=مايبا نجلاء ولا يبغا كرمها
لو تكثر في الصحون وف الولايم=ولو تذبح لـ اجله الليله غنمها
ابو بندر يحسب انه ورع دايم=كل ماشاف له مزيونه خدمها
يشتكي من حب راعية اللثايم=وكل لقمه تعترض قدمه لهمها
قام يسمع في راعين النمايم=ظالم ً والنَّاس قبلي قد ظلمها
مع غيوب سهيل يبدن النعايم=والمنايا من يفكك من سهمها

قل ياسعد والا انا ابا اقول=من صمتك الناس وجعانه
اخبال مهلهل لصق بخبول=في ملعبة دان يا دانه
كنا بدولة سعد زغلول=ايام فاروق واعوانه
دع ذا وشف من هو المسؤل=عن عين بالدمع غرقانه
وعن فكر له كم شهر مذهول=وعن سكرة القلب واحزانه
ومن دزه بغيهب المجهول =واذاقه الموت بالوانه
وان اصبح المجرم المجمول=فاللي حصل فدوة اعيانه