السجين انحاش والسجان نايم=فرصةٍ حانت وذيبان اغتنمها
امرحو ياللي تحرون الغنايم=الخشوم المرشدي هج وحزمها
اشهد انه من معصبت العمايم=الخصوم ليا انتهض يكتم نسمها
مادرا اني من ثلاث ليال صايم=عن عيونٍ ياعساني ماعدمها
اتخيلها وانا راقد وقايم=وفالحلوم اللي تجيني واحلمها
علمو غشام ملعون الرسايم=تمرته لامصها يزرط عجمها
الجماعه يتهمونه بالجرايم=حيةٍ لو سمها في جوف فمها
ولا انا خير ولا احب الضلايم=والعرب ما احب اقرط في لحمها

السجين انحاش ماله فيك لايم=شد عفشه فوق ريمه ثم نهمها
وش يبا في دار راعين الظلايم=ديرة ً بالعدل مارفرف علمها
حط مابينه وبين السجن قايم=مايبا نجلاء ولا يبغا كرمها
لو تكثر في الصحون وف الولايم=ولو تذبح لـ اجله الليله غنمها
ابو بندر يحسب انه ورع دايم=كل ماشاف له مزيونه خدمها
يشتكي من حب راعية اللثايم=وكل لقمه تعترض قدمه لهمها
قام يسمع في راعين النمايم=ظالم ً والنَّاس قبلي قد ظلمها
مع غيوب سهيل يبدن النعايم=والمنايا من يفكك من سهمها