آخر 10 مشاركات
|
|
|||||||
 |
| انشر الموضوع |
|
|
أدوات الموضوع | انواع عرض الموضوع |
27-07-2024, 11:30 PM
|
#38777 | |
  حزب الرعد
|
تسليه
استانسو ترا الليالي زايله ولا تكدركم تصاريف الحياه ماينفع المهموم همٍ شايله الرابح الي يعطي الدنيا قفاه وترا التشكي بالظروف المايله اتشين الرجال وتقلل حلاه حتى ولو عاين نجوم القايله يخلي الشكوى لربه في دعاه واللي يدور لدروب الطايله فلا يخلي طاعة الله والصلاه |
|
ورا صفحتك يالجوهره ما بها توقيع
انا يافتة تعليقه اليوم ابا الغيها من الروضه الغنا ابا اقطف زهر ربيع وارصع بها عذبات الابيات واهديها لبنتٍ لها التقدير وافي من الجميع لأدبها الرفيع ودمث الاخلاق نغليها صح لسآنك شآعرنا الهوآوي الله يحفظك ويسعدك 
|
|
27-07-2024, 11:33 PM
|
#38778 | |
حزب الرعد
|
في كنف ليلٍ .. ( نجومه ) تشد الانتباه
تبتدي غربة من يعيش في حضن بلده شاعرٍ كن .. ( الليالي ) تواصى في عناه لاحقه من ميلة الوقت ! ضيقة وزْهَده فاقد اللي .. زود بعده مانقّص من غلاه من يبشّرني بـ شوفه .. ويبشر بـ سعده مابقى في ساحة البال من ! ذكرى لقاه غير !.. تلويحة وداعه ! و خذلان وعده قلبي اللي عاش حلم المواصل في ذراه خايف إنه من مهاده !.. يوارى فـ لحده كني أبوٍ ، مسّه الفقر !.. من بعد الغناه يتّقي !.. من نظرة العَجز في عين ولده سامح الله من تركني .. على سكة جفاه ضاميٍ !.. لا لاااح برقه // ولا حنّ رعده تختلي به ( سود الافكار ) و تبيّح خفاه تاركه فـ الحلق عبرة !.. وفـ الكبد لهده الحزين ! يشوف في بسمته سترة نجاه لو ورا البسمة من الحزن قومة وقعده من كثر ما هزّه الماضي ! اللي ما نساه ودّه إنه !.. ( ما يفكر ) فــ بكرة و بعده من يدقق في جميع المراحل فـ الحياه لا يلوم .. الا التفاصيل ، لا خاب جهده كثرة التفكير .. في بكرة ، وفـ اللي وراه تشغل الواحد عن الحاجة اللي في يده |
|
|
|
|
27-07-2024, 11:35 PM
|
#38779 | |
حزب الرعد
|
فاقد اللي .. زود بعده مانقّص من غلاه
من يبشّرني بـ شوفه .. ويبشر بـ سعده هذا البيت يمثلني فاقده رحوووله بالحيييل الله يردها بالسلامه من سنه اختفت من تويتر ومن الرواسي وانقطع بينا التواصل ولا ترد على الرسائل استودعها الله الذي لا تضيع ودآئعه |
|
|
التعديل الأخير تم بواسطة الجووهره ; 27-07-2024 الساعة 11:38 PM
|
|
28-07-2024, 10:45 AM
|
#38780 | |
حزب العاصفه
|
السلام عليكم وصبحكم الله بالخير البارح جيت حوالي الــ 12 وكتب ابيات حلوه وانمحت بلمسه
واليوم حاولت استذكرها وكتبت وانمحت وعوضت بالبويتات اللي ما اعجبني ارحب يابو منصور وصح لسانك وبدنك ارحبي يا شاعرتنا وصح لسانتس وبدنتس ارحبي يالجوهره وصح نقلتس وكلتس على الثنتين لكن الاوله تحتاج وقفه امامها هههههه اطلق سراح الشاعره وابو منصور هالحين يا سجانه وحطني به هي منه مذعوره وهو منه مذعور كلٍ طلع في مفرق الراس شيبه وهات التسالي يا احمر العين بالفور وسع بها صدرٍ عوى فيه ذيبه قافٍ يجي له لــ احتشا الآدمي دور وقافٍ يجي فوق المصيبه مصيبه وقل للذي يستمري الهجر والجور لا بد صكات الليالي تجيبه |
|
|
|
28-07-2024, 11:06 AM
|
#38781 | |
|
حزب العاصفه
|
خلف قضبان الحديد اسعف بقافك يا هجوسي
خل من يسمعك لو هو عي تطربه التسالي سلني ما ودي اطفش لو يطول به جلوسي وكان ما سلوا ولا سليت انا مانيب سالي آااه من كثر الطواري في وسط راسي تحوسي بين ضحك وضيق صدر وبين مر وبين حالي |
|
|
|
|
28-07-2024, 04:23 PM
|
#38783 | |
|
تسلية للسجين من الذكريات سفينة الأيام تبحر على كفّ تجري على كفة وترسي بكفّه مرّات تتسنّع ومرات بالدف وأحيان تتوجه مع كل هفه رُبانها وده تجي له على الشف لكن رياح البحر ماهي بشفه أمواجها تعتي وترميه للضف وتلف به في البحر ستين لفه برد وظلام وخوف قامت على صف والعاصفة بالثلج حوله تحفه واليأس فوق الرأس من فوقها طف وأسدل خيامه ثم وطىّ بخُفه صوف المعاطف ما يدفي ليا هف تحتاج شبّ العاطفة بالمهفه قالوا لي أكتب له شعورك ووصف قلت الحكاية رسمْ من همس شِفه لوحة على الواقع ولا هي على الرف بالقلب وقْعَتْها .. وبالعين رفه عايشتها والريق في الحلق قد جف واقبلت وأشواقي عليها تزفه نظرتها والبرق من عينها رف والصوت يرعد والشفايف تخفه وقالت وهي تهمس لميعادنا وف ومدّيت كفي بالوفاء فوق كفه عبدالله الدنيش |
|
|
الخط يبقى زمنا بعد كاتبه ،،، وصاحب الخط تحت الأرض مدفون
|
|
28-07-2024, 10:55 PM
|
#38784 | |
|
حزب العاصفه
|
اهلا يالجوهره والمهلي ما يولي
ارحب يالخيال وصح بدنك وذوقك ــــــــــــــــــــــــــــــــــــــــــــــــــ ــــــــــــــــــــــــــــ امسيت في سجن الرواسي بلا ذنب ولا ذنب للشاويش ان ادخلت نفسي من الضحى بالبهو تاكي على جنب اصبح على جنب وعلى الثاني امسي تشدني الذكرى كما شدة الطنب ويضيع مع كثر الهواجيس حدسي خيال لو تدري عن ديارهم فــ انب يمكن غداً يعوض باليوم وامسي وبسسسسسسسسسسسس |
|
|
|
|
«
الموضوع السابق
|
الموضوع التالي
»
العرض العادي
|
|
