ودي اغـنــي واخـــاف اتـحـمّــل ذْنــوبــه=والشـعـر يسـحـر وانــا تكفيـنـي ذنـوبــي
والقـاف يلعـب طـرب والـضـو مشبـوبـه=ضـو المشاعـر سناهـا يشـعـل دْروبــي
رسمـت لـه مـن بديـع فنونـي اعجوبـه=وارسلت له من رموز الحرف مندوبي
سحابـة الشعـر روحـي وجّهـي صـوبـه=ودي لـه اللـي كتبتـه وارجعـي صـوبـي!

الـنــاس لامــــن اقــبــل الـعـيــد يــابــوي=تـفـرح وانــا هـلـيـت صـافــي دْمـوعــي
ماعاضـنـي فـرقـاك زوجــي ولاخـــوي=ياكـثـر شـوقــي لـــك ويـاكـثـر جـوعــي
وهج المشاعر لانطق مانطق فوي=تعبير صامت من مخازن ضْلوعـي

شريط الذكريات احيان يسعد خاطري..واحيان=يجيـب الهـم لامـن اشتـغـل واستـرجـع المـاضـي
يكدّر خاطري لامن عرض لي ماضي الاحـزان=يجدّدهـا شريـط العـرض قدامـي عـلـى الفـاضـي
الا ياواهـنـي مــن عــاش يمـلـك نعـمـة النسـيـان=سعـيـد الحظ..يكـفـي فــي حيـاتـه دالــه وراضــي