آخر 10 مشاركات
|
|
|||||||
 |
| انشر الموضوع |
|
|
أدوات الموضوع | انواع عرض الموضوع |
08-03-2023, 11:47 AM
|
#38081 | |
حزب العاصفه
|
ارحب يابو منصور تراحيب المطر وصح لسانك ولا فض فوك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــ يا مرحبا فيك انت ما عدو السيل وبـ بداعك اللي به هجوسك حَرِيا ترحيبةٍ عطورها عنبر وهيل من ما يخالف طيبها ذا بِرِيا ينساق قبل وبعد مناسف الحيل فنجالها استلمه هنياً مريا من بعد ما تنشد عن النومه الليل من السهر ما فيه شخصٍ صريا اللي يهوجس بالليال المقابيل وريان نوب يسهره ذكر ريا ابـ بوك وقلم يرسم لها خط ويميل وزند التوجد بالضماير وريا من الشوق لامنه طفح عنده الكيل بمصارعه تقول توني قريا اللي من الحلبه يحذف الرجاجيل من قوته على المصارع جريا بخطوه بدا مشوار خمسمية الميل يوم الغصن مورق وغض وطريا واليوم معواده صعيب المناويل لو شم له مع هبة النود ريا |
|
|
|
08-03-2023, 11:55 AM
|
#38082 | |
|
حزب العاصفه
|
غريبه ان الجوهره ما لها حس=ورحيل من كم من شهر ما تشافي
والغامدي ماله بعد مصنعه جس=ونور اختفت لو نورها كان كافي |
|
|
|
|
08-03-2023, 12:12 PM
|
#38083 | |
|
حزب العاصفه
|
لجة عصافير النخل غطت على صوت الحمام
وتغريدها لو هو يونس ما يقاس بنوحها ما ادري على شان السماء كله ملبد بالغمام والا النسيم اللي معاكس ما يوصل بوحها يقفي ويقفي به معه/ بالحال هذا ما تلام لو الخواطر والنواظر بينت منضوحها |
|
|
|
|
08-03-2023, 04:35 PM
|
#38084 | |
|
ابو عبيد هلابك لا فض فوك ولا انلجم لسانك واستلم لاهنت قولوا لطراد الهوى هايم وغيرك مستهام و انظار طراد الهوى يا طول مد شبوحها و ماعاد لي في عالمك يا الشعر سجة و انسجام حتى لو قلوب الغرام انته ضماد جروحها و لجة محاحيل السواني والرشاء فوق المقام غطت على نوح الصدور اللي تزايد فوحها و الا صدوقك يا المخايل يوم يغسل للعسام عساه يغسل وجنتين الجافله مع روحها حتى تهيّض بالقوافي من هو بسجن الغرام خمسة عشر عام وثلاث اعوام يبني صروحها و ان قال للعقل ارجهن ايقول منطوقك حرام كيف ارجهن و قلبك العاشق غدا مذبوحها |
|
|
لو جيت ابا اردع هجوس الفكر ب هيامي = يكفخ كما الطير لو هي ربطت اسبوقه درب الموده يضيع بساحة احلامي= مزن الحيا في حياتي تكشف بروقه http://www.r111n.com/showthread.php?t=9220
|
|
08-03-2023, 10:42 PM
|
#38085 | |
|
حزب العاصفه
|
ما فيك حيله يابو منصور
صح الله لسانك ولاهان راسك ابدعت وامتعت ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــ يرقص على ايقاع دندنة القوافي هجس مشتاق يحفزه للتمايل والطرب واللعب شوقه ياعونة الله مضى شهور وليال وعام ما راق ما انساح باله ولا زان المزاج وخرب ذوقه طير السعد كل ما رفرف يبي ياتيه ينعاق وغريب البين لو ردوه جاه وصاح فوقه باراعبي الحمام ان كان نوحك وجد وفراق اشجيت قلبٍ يحشر الظغط من شوقه عروقه تراجع الذاكره ما فات ويفتش بالاوراق لعل تركد بما يقرأ بها رجفة خفوقه |
|
|
|
|
09-03-2023, 12:13 PM
|
#38086 | |
|
حزب العاصفه
|
توي تأكدت ان شيخ القوم قاتله الهيام
روحه بقيفانه من اللوعه تعزي روحها وهذا هو اللي ياسر شيوخٍ يردون الجهام شف قصة ابو زيد مع علياه واقر شروحها وقد استغاث لمي بن لعبون بالقبر الغمام لعلها تانس بطفلات الظبا ء وسنوحها وابن الملوح لجل ليلى دز نفسه للعدام رضي باسم مجنون ليلى وانجلد في لوحها وبس هههههههههه |
|
|
|
|
11-03-2023, 12:17 PM
|
#38087 | |
|
حزب العاصفه
|
لا والله الا قعدنا ياهجوسي بالخلا الخال
هذا مقر القصيد الا من الزوار خالي لا راعبيه ولا ناقد ولا صيحات خيال حتى ام سالم ماعاد بروضه المزهر تلالي والحمد لله على ما قدره في كل الاحوال ابا انسجن وانت ياراع القصايد جب تسالي مريت قبل امس وادي خابرٍ به طلح وضلال وخشفٍ من الريم لرموشه على اوجانه ضلالي اتلى العهد بالشعيب وفي هله عامين وهلال لا حِس لا رِس لا جالب خبر بالعلم جاء لي وطويت منه الرجا والياس جاء له برق وخيال يا غريب البين لا تصيح انقلع مالك ومالي |
|
|
|
|
11-03-2023, 10:16 PM
|
#38088 | |
|
حزب العاصفه
|
انا والخيال والزوار صرنا 132
ــــــــــــــــــــــــــــــــــــــــــــــــــ ـــــــــــــــــــــــــــ حلل معاني بيوت اللي ورا القضبان وتبين لك حالتـه مثل مـالك مـا يكن الصدر بـاني اهل المثل قالوا الايام محصوره بيومين يومٍ لك بزعمهم ويكون ضدك يوم ثاني بخاطري شي له قدمت من بوحي ابـ بيتين املاه فكري على هجسي وترجمهن لساني وقت ومكان وبشر رحال عن ناسٍ مقيمين واقول للراحل اشوفك على الباقين جاني ولها تتمه |
|
|
|
|
«
الموضوع السابق
|
الموضوع التالي
»
العرض العادي
|
|
