بعد جيت اقيِّل واتريح على ماقال=سمعت الصدى اللي بالفخامه عدا طوره
عاف النوم جفني ولقوافي محمد مال=اذني لازمت صوته وهو تابع سطوره
بيوته نوادر نضم جزل ويجيب جزال=على رفع ضغط الدم ضميا وماموره
وجه لي قذايف لو على اقسا جبل ينهال=يجي رمل للتلييس لادكت صخوره
ما ادري ليه يرسلها على خافقٍ مازال=تجاويفه بحب ادعج العين محشوره
يعاني جفاً ما اعتاده ولا خطر في بال=قبل هالشهر ما ردد اواه من جوره
اتلى العلم به ماقيل للصوم شيف هلال=والاوضاع مرضيه والاحوال ميسوره
نديمي عديم ايضك في ساقه الخلخال=يرخي قرضة البرقع على مثل بندوره
وله منطقٍ يغري وله مبسمٍ قتال=عناب وبرد به عين مغليه مسحوره
ينوض وتتله في مقامه ردوف ثقال=خاصرته مابين الردف والكتف مهصوره
لو ان ابو بندر شافها مقفيه يهتال=لو انه يبا جده تيامن لمستوره
ولو شافها يوم اقبلت شامخه تختال=مثل المهره/اجل رحلته واختلف شوره

ياحضرة الشعّار ويش الطريقه=نطرد سرابٍ مايطفي ضمانا
اعجابنا يوم انتحلاّ بريقه=وحنا على رجواه شابت لحانا
حلو الاساليب العذاب الرقيقه=قمنا نواجهها بطيّب نبانا
نسهر ولوّن السهر مانطيقه=ياذاك شوفن يالعذارا وفانا
انظارنا للزين دايم مويقه=ونقول يالله لاتخيّب رجانا
يازين رحنا لجل عينك سليقه=الروح لك وماتطوله يدانا
زهرك يانع ماجنينا رحيقه=كله حفاظ أل سترنا ومستوانا
فيك الاناسه والحلأ يالانيقه=مدري لوّن الوصل منها عطانا
مير العوائد والسلوم العريقه=اليا ذكرناها قصرنا خطانا
خوف انتقاد اهل الوجيه الطليقه=ندعس على بعض الامور بحذانا

لو انه بالتمني يا سعادة طيرنا حوران=ويجي لي ما بغيت بقول ياعله وياليته
لعل الوضع يرجع لي مثل ما كان في شعبان=ولو انك قلت لي زد قلت هذا اللي تمنيته
وش ابغى غير هذا واتمنى يا اشقر الجنحان=مشاهد طلت اللي طالما بالروح فاديته
ابو عينن كما عين لسميك رمشها فتان=عليهن كم تبدد قلب عاشقهن ولميته