آخر 10 مشاركات |
|
انشر الموضوع |
|
أدوات الموضوع | انواع عرض الموضوع |
02-01-2023, 11:03 PM | #37753 |
حزب العاصفه
|
مساء الخير والامطار
والاجواء اللي تسر الانظار وصحت السنتكم شعراؤنا المبدعين وصحت ذوائق المتذوقين وسلمتم ودمتم,,’ |
سبحانك اللهم وبحمدك
أشهد الا اله الا أنت,أستغفرك واتوب اليك |
02-01-2023, 11:25 PM | #37754 |
حزب العاصفه
|
تسليه للسجين أبيات طلبتها مني احدى الصديقات وكتبتها على لسانها كما روت لي قصتها ونقلتها لكم للاستمتاع والتسليه ^ ^ يشكّل فراقك يالغلا عندي الازعاج
بهَجْسٍ يرجعني وهجسٍ يوديني قسم يالمُنى لولا الملا وانت والاحراج لـ اواصل ولا اقطع ماحصل بينك وبيني بوضح النقا من فوق راسي شموخ وتاج اخوّه شريفه وانتهت لو لها سنيني نضيع ويضيع الوقت والصبر فيه علاج على هام ذاك الغيم هاجرت ياعيني تحديت نفسي لـ اقطع الوصل والابراج واداوي جروحي لين الايام ترضيني وامانه امانه قفل وسكر الادراج وحافظ على ماحطت وخطت ايديني, |
|
03-01-2023, 12:20 AM | #37755 |
|
ياعلي عطني موجز النشرة ترى قلبي جزوع
حنا على اطلال السنين الراحلات و عجّلي صوت الرعد ما كنه الا في محاديب الضلوع ءليا تصفحت السجلات القديمة يا علي ازريت لا اردع هاجسي يا علي لي مدة سبوع و انا على عدٌ قراح ولا يغيض من الدلي و عد الروى في روضة التنهات من يوم الربوع ما شفت منه اللي يصمّلني ليا سقت جملي و العام والا قبله بعامين شرياني يفوع و اقول يا قلب ارجهن و كل ليلٌ ينجلي بالرغم من كثر العواصف ما اتذرى في دروع و تبقى الجروح الغايرة ، دام الليالي حمّلي و ساقتني الاقدار للمضماه لو اني بتوع ومن ذكريات العمر كم صدري يغيض و يمتلي |
لو جيت ابا اردع هجوس الفكر ب هيامي = يكفخ كما الطير لو هي ربطت اسبوقه درب الموده يضيع بساحة احلامي= مزن الحيا في حياتي تكشف بروقه http://www.r111n.com/showthread.php?t=9220
التعديل الأخير تم بواسطة كديميس السيحاني ; 03-01-2023 الساعة 12:23 AM
|
03-01-2023, 12:52 AM | #37756 |
|
هاجس كديميس نجّب لك نجايب
قبل نص الليل يعلن للنهايه لا تناديني مع بروق السحايب الندا من روحك لروحي كفايه و الله انك حاضرٌ لو كنت غايب في سمو الطيف ما قلته دعايه ريح عطرك مع نسانيس الهبايب تنتشيه الروح و اكتب لي روايه انشد الاوراق و تشوف العجايب كل بيت من القوافي فيه غايه استدنت الصبر و ادفع له ضرايب و الضريبه عج هجرك في سمايه لا تخون العهد و تسوق الركايب خبري انك وافيٌ دايم معايه |
|
03-01-2023, 12:21 PM | #37757 |
حزب العاصفه
|
ابشركم اننا مطرنا بفضل الله ورحمته
ويا صباح الخير للجميع ارحبي شاعرتنا ورائعه هالقصيده بالحيل صح الله لسانك وبدنك ارحب يابو منصور صح الله لسانك ولاهنت ودمت وسلمت ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــ كلامٍ مثل وبل السحايب يرد الروح=وكلامٍ لو الروح ارجهنت يروح ءبها وكلامٍ كما البلسم بمسحه يداوي جروح=وكلامٍ إمشاويها ليا مر يعطبها وكلامٍ كما العنبر لو أحكم غطاه ايفوح=وحلتيت الكلام الجن بالشم يتعبها اول شطر من ما مر يالربع يشبه بوح=اهل المنطقه غرايبه مع غرايبها هي وهو والبرق وتلاعي بنات الدوح=السلوه ما بين الاربعه جد ما اصعبها اوموا للطواري وارهقت خافقٍ مجروح=ودكوا همومه واقبلت في مواكبها لوهو ما نسيهم عنّْ له مترفٍ مملوح=غبار الزمن صافي لياليه غيبها ابا انشد حمام الورق بالله ليش اينوح=وهو ما اقربه منها وهي منه ما اقربها خل النوح لدلالٍ بجمر الفراق اتفوح=ونفسٍ سوى ما تشتهي غير معجبها |
|
03-01-2023, 12:52 PM | #37759 |
أبعد قريب
|
مجرَّد رؤيا إهداء لك جدي لولا الغلا ياجد ،، لـ اجفى مواطنهم لولا قصايد نجـد ،، لـ آعاف معناهم لولا كـديميـس في قضَّـة مضاجعهـم و عـلــوم خيَّالنــا الحــرَّه تحـــدَّاهـم لولا رحيـل و جواهـر و الذي معهـم في كفَّـة الصدق خطَّوا صدق يمناهم ما كان للسجـن داعـي في تواصلهـم ما كان للمنتــــدى قيمــــه بليـَّــاهــم |
|
03-01-2023, 12:56 PM | #37760 |
أبعد قريب
|
و اهدآء خاص من جديدي عرفتـك بلسم اجـراحي . سكنتيني فـؤآد مْحبّ لقـيـتــك يا فــؤآد الحـبّ سـبَّــة كـل أجــراحـي عرفتـك صـورةٍ حيَّـه تجسِّــد قلـب صار يِـحِـب عرف معنى المحبَّـه منْك وبك مغـرم ومرتاحي عرفتك شمس كل الكون من غيري محال تشِبّ تـدفّيني , تحــرّقـنـي , تــذوّبنـي بـ الافـــراحـي تنـوِّر ظلمة الأيّآم و هي لـ أعتى جروحي الطِّبّ و هي لو جـارت الأوجـاع منهـا الـهـمّ ينــزاحي عرفتـك بـدر كل الشَّهْــر قمـرا سـرمــديّــة حـبّ دجـآي اللي محيتي صبغـتــه يشكيك لـ اِصبـاحي حبيبـة روحي و كلّي . ضيـا عيني . هدآيـا الربّ مدآد الجود و التحنـان . ثوب الصدق و وشـاحي سمـآي اللي بها طايـر . و درَّه في البحـر لـ مْغِبّ و ورده نرجسيَّــة وصـف عنهـا يعجـز افصـاحي ... مع أرق و اجمل تحيه |
|
|
|